যাত্রা 18:4 - Chakma Bible

⁴ তে অন্য পূঅবোর্‌ নাঙান্‌ দিলো ইলীয়েষর (যিয়েনর্ ভেদ্‌তান্ “গোজেন মর্‌ সহায়”); কিত্তে তে কোইয়্যেদে, “মঅ বাপ্পোর্‌ গোজেনে মরে এজাল্‌ দিয়্যে। তেয়ই যুদ্ধোত্‌ ফরৌণর আদত্তুন্‌ মরে উদ্ধোর্‌ গোজ্যে।”

যাত্রা 18:4 Iomraidhean Croise

পত্থম 49:25

তঅ বাবঅ গোজেনে তরে বল্‌ দিবো। বেগত্তুন্‌ খেমতাবলা গোজেনে তরে উগুরেত্তুন্‌ আগাজর্ বর্ আর মাদি তলেত্তুন উইফুদো বর্ দিবো। মিলেগুনো পেদত্‌ পুয়ো দিইনে আর তা বুগোত্‌ দুধ দিইনে তে তরে আশিদ্‌বাদ গুরিবো।

১ বংশধর 23:15

মোশি পুয়োগুন অলাক্‌ গের্শোম আর ইলীয়েষর।

১ বংশধর 23:17

ইলীয়েষর বংশধরুনো ভিদিরে রহবিয় এলদে নেতা। ইলীয়েষর আর কনঅ পুয়ো ন-এলাক্‌, মাত্তর্‌ রহবিয় পুয়ো ভালোক্কুন্‌ এলাক্‌।

গীতসংহিতা 18:1

ও লগেপ্রভু, তুয়ই মর্ বল্, মুই তরে কোচপাং।

গীতসংহিতা 18:48

তে শত্রুগুনোর্ আঢত্তুন্ মরে রোক্ষ্যে গরে। ও গোজেন, তুই মরে শত্রুগুনো উগুরে তুল্যচ্, অত্যেচারিগুনোর্ আঢত্তুন্ তুয়ই মরে রোক্ষ্যে গোজ্যস্।

গীতসংহিতা 34:4

মুই লগেপ্রভুরে ডাগিলুং, তে মঅ ডাগনিলোই ইজিরে দিলো; মর্ বেক্ দর্‌বুগোত্তুন তে মরে উদ্ধোর্ গুরিলো।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

যাত্রা 10:28

ফরোণ মোশিরে কলঅ, “মঅ মুজুঙোত্তুন্‌ যাগোই। উজিয়ার! আর কনদিন্‌ মঅ মুজুঙোত্‌ ন-এবে। যেদিন্যে তুই মঅ মুজুঙোত্‌ পড়িবে সেদিন্যে তর্‌ মরণ অবঅ।”

যাত্রা 2:15

ফরৌণে এ ঘটনাগান্‌ হবর্ পেইনে মোশিরে মারে ফেলেবাত্তে চেট্টা গরা ধরল। মাত্তর্‌ মোশি ফরৌণ কায়-কুরেত্তুন্‌ ধেই যেইনে মিদিয়ন দেজত্‌ বজত্তি গুরিবাত্তে গেলঅ। সিধু যেইনে তে এক্কো কূয়ো পারত্‌ বোই রলঅ।

যাত্রা 2:22

সিপ্পোরার এক্কো পুয়ো অনার্‌ পরেদি মোশি তা নাঙান্‌ রাগেল গের্শোম, কিত্তে তে কোইয়্যেদে, “মুই পরদেজর্‌ পর্‌ভাস্যে ওই আগং।”

যাত্রা 4:20

সেক্কে মোশি তা মোক্কো আর পূয়োগুনোরে এক্কো গাধা পিদিত্‌ বোজেল আর তারারে লোইনে মিসর দেজ মোক্যে ফিরিলো। গোজেনর্‌ সে লুদিক্কোয়ো তে আঢত্‌ গুরি নেযেল।

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

প্রেরিত্‌ 12:11

সেক্কে পিতরে যেন চেতনা ফিরি পেলঅ আর কলঅ, “ইক্কিনে মুই ঘেচ্চ্যেক্ গুরি বুঝিলুং যে, প্রভু তা দূত্‌তোরে পাধেইনে হেরোদ্অ আঢত্তুন্ আর যিহূদীগুনে যিয়েন গুরিবাত্যে কুজুরোমি গোজ্জ্যন্ সিয়েনিত্তুন্ মরে রোক্ষ্যে গুরিলো।”

প্রেরিত্‌ 7:29

এ কধাগান শুনিনে মোশি ধেই যেইনে মিদিয়ন দেজত্ বজত্তি গরা ধল্ল। সিধু তার দ্বিবে পুয়োর্ জর্ম অলঅ।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

ইব্রীয় 11:34

জদবদে আগুনোর্ তেজ্‌চান কোমেই দুয়োন্, ছুরির্ আঘাদত্তুন্ রোক্ষ্যে পেইয়োন, বল্-পোজ্জ্যে অলেয়ো বোলী ওইয়োন, যুদ্ধোত্ বল্ দেগেয়োন আর বিদেশী সৈন্যদলুনোরে ধাবেই দুয়োন্।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?