যাত্রা 18:26 - Chakma Bible

²⁶ তারা আমিঝে মানুচ্চুনোরে বিচের্‌ গুরিদাক্। তারা আগাত্যে বেপারানি মোশি ইদু নেযেদাক, মাত্তর্‌ চিগোন-চাগন্‌ বেপারানি তারা নিজে নিজে সামেলেদাক্‌।

যাত্রা 18:26 Iomraidhean Croise

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

যাত্রা 18:22

ইগুনেই আমিঝে মানুচ্চুনোর্‌ বিচের্‌ গুরিবাক্। চিগোন-চাগোন্‌ বেপারানি তারা বিচের্‌ গুরিবাক আর দাঙর্‌ দাঙর্‌ বেপারানি তইদু আনিবাক্। সেক্কে তর্‌ কামানি পাদল্‌ অবঅ‌ কিত্তে তারায়ো তর্‌ ভারান্‌ কিজু কমে দিবাক্।

লেবীয় 24:11

সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 17:8

যুনি এধোক্ক্যেন বেক্‌ মগদ্দমাগানি তমার আদালদত্‌ এজে যিগুনোর বিচের গরানা তমার পক্ষে আগাত্যে ওই উদে-সিয়েন লো ঝোরেবাত্তে ওক্‌ বা কোল্‌-কোজ্জ্যে বাজেবাত্যেই ওক্‌ বা আঘাত গুরিবাত্তে ওক্‌-তো সে মগদ্দমাগানি লগেপ্রভুর বেঈ লোইয়্যে জাগানত তমাত্তুন যাহ্ পুরিবো।