যাত্রা 18:22 - Chakma Bible

²² ইগুনেই আমিঝে মানুচ্চুনোর্‌ বিচের্‌ গুরিবাক্। চিগোন-চাগোন্‌ বেপারানি তারা বিচের্‌ গুরিবাক আর দাঙর্‌ দাঙর্‌ বেপারানি তইদু আনিবাক্। সেক্কে তর্‌ কামানি পাদল্‌ অবঅ‌ কিত্তে তারায়ো তর্‌ ভারান্‌ কিজু কমে দিবাক্।

যাত্রা 18:22 Iomraidhean Croise

ইষ্রা 7:25

ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

যাত্রা 18:18

সেক্কে তুই আর তঅ মানুচ্চুনে হামাক্কায়্‌ বল্‌পোজ্যে ওই যেবাক্‌। কামান্‌ এদক্‌ বেশ আগাত্যে যে, তর্‌ গায়্‌-গায়্‌ সিয়েন্‌ গরানা সম্ভব নয়।

যাত্রা 18:23

গোজেনর উগুম্‌ পেইনে যুনি তুই এধোক্ক্যেন গরচ্‌ সালে তুই এই কামর্‌ ভারান্‌ সোজ্য গুরি পারিবে আর মানুচ্চুনেয়ো মনর্‌ সুগে যে যার্‌ জাগাত্‌ ফিরি যেই পারিবাক্।”

যাত্রা 18:26

তারা আমিঝে মানুচ্চুনোরে বিচের্‌ গুরিদাক্। তারা আগাত্যে বেপারানি মোশি ইদু নেযেদাক, মাত্তর্‌ চিগোন-চাগন্‌ বেপারানি তারা নিজে নিজে সামেলেদাক্‌।

লেবীয় 24:11

সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 15:33

যিগুনে তারে দার্‌বো কুড়োদে দিগিলাক্ তারা তারে মোশি, হারোণ আর বেক্‌ ইস্রায়েলীয়গুনো ইদু নেযেলাক্।

গণাণা 27:2

এই মিলেগুনে মিলন-তাম্বুলোত্‌ সুমিবার পদথ্‌ যেইনে মোশি আর ধর্মগুরু ইলিয়াসর আর বেক্‌ নেতাগুনে আর ইস্রায়েলীয়গুনোর্‌ মুজুঙোত্‌ থিয়্যেইনে কলাক্‌,

গণাণা 36:1

যোষেফর বংশধরুনোর বংশত্তুন্‌ গিলিয়দর্‌ নানান্‌ বংশর নেতাগুনে এইনে মোশি আর ইস্রায়েলীয়গুনোর্‌ অন্য বংশর নেতাগুনো সমারে কধা কলাক্। গিলিয়দে অলঅ মাখীরোর্‌ পূঅ আর মনঃশির নাদিন্‌।

রোমীয় 13:6

আর সেনত্তে দঅ তুমি খাজানা দি থাগঅ, কিয়া খাজানা তুলিয়্যেগুনে তারার্ কামানিলোই গোজেনরে সেবা গত্তন্।