যাত্রা 18:21 - Chakma Bible

²¹ তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 18:21 Iomraidhean Croise

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

পত্থম 47:6

গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

২ শমূয়েল 18:1

দায়ূদে তা সমারে মানুচ্চুনোরে এগত্তর্‌ গুরিলো আহ্ তারারে আজার উগুরে আহ্ শত উগুরে সেনাপতিগুনোরে ঠিগ্ গুরিলো।

২ শমূয়েল 23:3

ইস্রায়েলর গোজেনে কোইয়্যেদে, ইস্রায়েলর আশ্রয়-মুড়ো মরে কোইয়্যেদে, ‘যে মানুচ্চো গমেডালে মানুচ্চুনোরে শাজন্ গরে আর গোজেনরে দরায়,

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

১ রাজাবলী 18:3

আহাবে ওবদিয়রে ডাগিনে পাদেল। রাজঘরর্‌ দেগাশুনোর্‌ ভারান্‌ ওবদিয়োর্‌ উগুরে এলঅ। লগেপ্রভুর উগুরে ওবদিয়োর্‌ ভোক্তিবলা বিশ্বেজ্ অমকদ এলঅ।

ইষ্রা 7:25

ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

নহিমিয় 5:9

মুই আরঅ্‌ কলুঙ্‌, “তুমি যিয়েনি গোজ্য সিয়েনি ঠিগ্‌ নয়। অযিহূদী শত্রুগুনে যেনে আমারে ঘিনেই ন-পারন্‌ সেনত্তেই আমাত্তুন্‌ গোজেনরে দোরেইনে চলানা কি আমার্‌ উজিত্‌ নয়?

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

ইয়োব 31:13

মর্ চাগর-চাগরানীগুনে মঅ বিরুদ্ধে কনঅ আবিত্তি জানেলে যুনি মুই সিয়েনর বিচের্ গুরিবাত্তে রাজী ন-ওই থাং,

গীতসংহিতা 15:1

ও লগেপ্রভু, তর্ থেবার্ তাম্বুলানত্ কন্না থিয়্যেবার্ যগাজ্যে? তর্ পবিত্র মুড়োবোত্ কন্না বজত্তি গুরিবার্ যগাজ্যে?

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

যাত্রা 17:9

সেক্কে মোশি যিহোশূয়োরে কলঅ‌, “তুই আমা ভিদিরেত্তুন্‌ মানুচ্‌ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্‌। মুই কেল্যে গোজেনর সেই লুদিক্কো মঅ আদত্‌ লোইনে মুড়োবো মাদা উগুরে যেইনে ঠিয়েম্‌।”

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

গম্ উপদেজ্ 28:2

দেজ মানুচ্চুনোর ভান্ন্যেয়র্ কারনে বোউত্ শাজন্‌গুরিয়্যে অন্, মাত্তর্ জ্ঞানী আর বুদ্ধিবলা শাজন্ গুরিয়্যে সুদোমান ঠিগ্ রাগায়।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

যিশাইয় 16:5

অমকদ কোচ্‌পানালোই দায়ূদোর রাজঘরত্ এক্কান সিংহাসন থিদেবর্ গরা অবঅ; এক্কো বিশ্বেজি মানুচ্ তা উগুরে বুজিবো। তে গমেডালে বিচের গুরিবো আর যাদিমাদি ন্যায় জিনিস্‌ছান থিদেবর্ গুরিবো।‌‌‌

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিহিষ্কেল 18:8

তে সুদি টেঙা উদোর্ ন-দে বা বেশ্ সুদ ন-নেযায়। তে অন্যেয় গরানাত্তুন্ আঢ্‌তানি সোরেই রাগায় আর মানুচ্চুনো ইধু গমেডালে বিচের্ গরে।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

সখরিয় 8:16

এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;

গণাণা 1:16

ইস্রায়েলীয়গুনো ভিদিরেত্তুন্‌ এ বেক্‌ মানুচ্চুনোরে নেযা অলঅ। ইগুনে অলাক্‌ তারার্‌ পুরোণি মানুচ্চুনোর্‌ গুট্টির মুরুব্বী আর ইস্রায়েলীয়গুনোর্‌ ভালোক্‌ বংশর্‌ আজার উগুরে এক্কো নেতা।

গণাণা 1:4

পত্তি গুট্টিত্তুন্‌ একজন গুরি মান্‌জ্যে তরে সাহায্য গুরিবাক, আর সেই মানুচ্চোত্তুন্‌ তার্‌ বংশর্‌ নেতাবো উয়ো পরিবো।

গণাণা 10:4

যেক্কে এক্কো বাঁশি বাজা অবঅ সেক্কে ইস্রায়েলর্‌ নানান্‌ বংশর নেতাগুনে তমা মুজুঙোত্‌ এইনে এগত্তর্‌ অবাক।

লূকে লেখ্যে গম্ হবর্ 18:4

সেই বিচেরক্কো কয়েক্ দিন সং কিচ্চু ন-গুরিলো। মাত্তর্ জেরেদি তে মনে মনে কলঅ, ‘যুনিয়ো মুই গোজেনরে ন-দরাং আর মান্‌জ্যরেয়ো গ্রাজ্য ন-গরং,

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

দ্বি’লম্বর বিররণ 22:18

সেক্কে বুড়ো নেতাগুনে তা নেক্কোরে সাজা দিবাক।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

যিহোশূয় 22:14

তারা তারার্‌ পত্তি গুট্টিত্তুন্‌ একজন গুরিনে দশজন নেতারে পীনহসর সমারে পাদেলাক্‌। এ দশজন পত্তিজনে এলাক্‌ ইস্রায়েলীয় বংশর নেতা।

১ শমূয়েল 8:12

তে নিজোত্তে কেওরে আজার সৈন্য উগুরে, কেওরে পঞ্চাশজন সৈন্য উগুরে সেনাপতি ইজেবে নেযেল। অন্যগুনোরে তে তার ভূইয়ো চাজঅ কামত্‌ আর ক্ষেত্‌-ক্ষেত্তি কাবিবার কামত্‌ আর যুদ্ধোর অাত্যেরানি আর রথর্ জিনস্‌চানি বানেবার কামত্‌ লাগেব।

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।