যাত্রা 18:12 - Chakma Bible

¹² ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্‌ আনিল। পরেদি হারোণ আর ইস্রায়েলীয়গুনোর্‌ বেক্‌ বুড়ো মাই-মুরুব্বীগুনে গোজেন মুজুঙোত্‌ মোশি শুয়োর্‌বো লগে হেবাত্তে বজিলাক্।

যাত্রা 18:12 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 26:25

সেক্কে ইস্‌হাকে সিয়েনত্‌ এক্কো ডালিপূজো বানেল আর লগেপ্রভুরে যগাজ্যে সর্মান দিলো। সিয়েনত্ তে তা তাম্বুলান তাঙেল আর তা চাগরুনে এক্কো কূয়ো খুড়িলাক্‌।

পত্থম 26:30

ইয়েন পরেদি ইস্‌হাকে তারাত্তে এক্কান হানার আয়োজন গুরিলো, আর তারায়ো হানা-দানা গুরিলাক।

পত্থম 31:54

ইয়েনর পরেদি যাকোবে সেই মুড়োবোত্‌ য়েমান্‌-দালি দিলো আর তার কুদুম্মোগুনোরে খানা-দানা গুরিবাত্তেই ডাগিলো। খানা-দানার পরে সেই মুড়োবো উগুরেই তারা রেত্তো কাদেলাক্।

পত্থম 4:4

হেবলেয়ো তা পালত্তুন্ পত্তমে জর্মেয়্যে কয়েক্কো ভেড়া আনিনে সিগুনোর তেলানি উৎসর্ব গুরিলো। লগেপ্রভু হেবল আর তা উৎসর্বয়ানি গুজি ললঅ,

পত্থম 43:25

যোষেফে দিবুজ্যে এবঅ বিলিনে তারা বোক্‌শিজ্‌ছানি ঠিগ্‌ গুরি রাগেলাক্। তারা শুন্যন্‌ তারার হানা-বিনে সিয়োদোই অবঅ।

পত্থম 8:20

সে পরেদি নোহ লগেপ্রভুর্ নাঙে এক্কো ডালিপূজো বানেল আর পত্তি জাদর গম্‌ য়েমান্‌ আর পেগত্তুন্ কয়েক্কো নেযেনে সে ডালিপূজোবো উগুরে পুজ্যে-উৎসর্বর অনুষ্ঠান গুরিলো।

২ শমূয়েল 9:7

দায়ূদে তারে কলঅ, “তুই ন-দোরেচ্‌। মুই তরে কোচ্‌পানা দেগেইনে তঅ বাপ্‌পো যোনাথন উগুরে হামাক্কায় বিশ্বেজ্ গুরিম। তর্‌ আজুবো শৌলর বেক্‌ জাগা-জোমিগানি মুই তরে ফিরেই দিম, আর তুই আমিঝে মঅ টেবিলোত্‌ বোইনে হানা-দানা গুরিবে।”

২ বংশধর 30:22

লগেপ্রভুর সেবা-কামত্‌ যিদুক্কুন্‌ লেবীয় কাবিল্‌ এলাক্‌ হিষ্কিয় তারারে উচ্চোমি তুলি দিইনে কধা কলঅ। তারা উদোলোলি-উৎসর্বর পরব্‌ গুরিনে সাত দিন ধুরিনে হানা-দানা গুরিলাক্‌ আর তারার্‌ পূরোণি মানুচ্চুনোর্‌ গোজেন লগেপ্রভুরে বাঈনি গুরিলাক্‌।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

ইয়োব 42:11

তার ভেই আর বোনুনে আর যিগুনে তারে আগে চিনিদাক্ তারা বেক্কুনে এইনে তা ঘরত্ তা সমারে হানা-বিনে গুরিলাক্। লগেপ্রভু তা উগুরে যে দুঃকানি আন্যে সিয়েনিত্তে তারা তারে বুঝেলাক্। তারা পত্তিজনে তারে এককট্টা রুবো আর সোনার এক্কান কান দুল্ দিলাক্।

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

যাত্রা 18:13

তার্‌ কেল্যে মোশি মানুচ্চুনোর বিচের্‌ গুরিবাত্তে বুয়োল। বেন্যেত্তুন্‌ ধুরি সাজোন্যা সং মানুচ্চুনে মোশির্‌ মুজুঙোত্‌ ঠিয়েই রলাক্।

যাত্রা 2:16

সিদুগোর্‌ মিদিয়োনীয় ধর্মগুরুবোর্‌ সাত্তো ঝি এলাক্। সিগুনে তারা বাব্‌‌পোর্ ভেড়াছাগলুনোরে পানি হাবেবাত্তে পানি তুলিনে গাবালা ভুরিবাত্যে সে জাগানত্‌ গেলাক্।

যাত্রা 2:20

তে তার্‌ ঝি-গুনোরে পুজোর্ গুরিলো, “মানুচ্চো কুধু? তুমি তারে কিত্তে ফেলেই এচ্চো? তারে ডাগি আনিনে কিজু হেবাত্তে দুয়ো।”

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 24:11

ইস্রায়েলীয়গুনোর্‌ এই বেক্‌ মাই-মুরুব্বীগুনে যুনিয়ো গোজেনরে দেগিলাক্‌ তো তে তারারে মারে ন-ফেলেল। তারা তারে দেগিলাক্ আর হানা-দানা গুরিলাক্।

যাত্রা 24:5

সে পরেদি তে কয়েকজন ইস্রায়েলীয় গাবুজ্যেরে পাধেই দিলো আর তারা যেইনে লগেপ্রভুর্‌ নাঙে কয়েক্কো পুজ্যে-উৎসর্বর্ অনুষ্ঠান গুরিলাক্ আর উদোলোলি-উৎসর্ব ইজেবে কয়েক্কো বলদ গোরুয়ো উৎসর্ব গুরিলাক্।

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 33:7

মোশি ইস্রায়েলীয়গুনোর্‌ তাম্বুলোর্‌ বারেদি দূরোত্‌ এক্কান্‌ বিশেজ্ তাম্বুল বানেল আর সিয়েনরে তে কদঅ‌ “মিলন-তাম্বুল্।” লগেপ্রভু ইত্তুন্‌ কনজনে কিজু জানিবার্‌ চেলে তে সেই মিলন-তাম্বুল ইদু যেদঅ‌।

দানিয়েল 10:3

সেই তিন সাপ্তা থুম্ ন-অনা সং কনঅ গম্ হানা মুই ন-হাং, য়েরা বা আংগুর-রস মুয়োত্ ন-দুয়োং আর তেলঅ ন-গুলোং।

গণাণা 10:29

ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

লূকে লেখ্যে গম্ হবর্ 14:1

এক জিরেবার্ দিনোত্ যীশু এক্কো ফরীশী নেতার্ ঘরত্ হেবাত্যে গেলঅ। ফরীশীগুনে খুব্ গমেদালে যীশুরে খিয়েল্ গুরিলাক্।

লূকে লেখ্যে গম্ হবর্ 14:15

যিগুনে হেবাত্তে বোচ্চ্যন্ সিগুনোত্তুন্ একজনে এ কধাগান্ শুনিনে যীশুরে কলঅ, যে গোজেন রেজ্যত্ হেবাত্যে ববঅ তে বর্ পেইয়্যে।

১ করিন্হীয় 10:18

ইস্রায়েল জাদ কধা চিন্তে গরঅ। তারা ইধু যিগুনে উৎসর্বর জিনিচ্‌ হেই থান্ তারা কি সেই পূজোবোর্ বেক্কানিত্ ভাগ ন-লন্?

১ করিন্হীয় 10:21

প্রভুর গলচ্চো আর ভান্ন্যেই আত্মাগুনোর গলচ্চো, এ দ্বিবে গলজত্তুন্ তুমি হেই ন-পারঅ। প্রভুর টেবিলো উগুরে আর ভান্ন্যেই আত্মাগুনোর্ টেবিলো উগুরে যিয়েনি আঘে, এই দ্বিয়েনর্ ভাগ্ তুমি লোই ন-পারঅ।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 27:7

সিয়েনত তুমি উদোলোলি-উৎসর্বরঅ অনুষ্ঠান গুরিবা আর সেই উৎসর্বর জিনিস্‌ছানি খেইনে তমার গোজেন লগেপ্রভুর মুজুঙোত্‌ ফুত্তি গুরিবা।