যাত্রা 18:1 - Chakma Bible

¹ গোজেনে তার মানুচ্‌ ইস্রায়েলীয়গুনোত্তে আর মোশিত্তে যিয়েনি গোজ্যে সিয়েনি বেক্কানি মোশির শুয়োরবো মিদিয়নীয় ধর্মগুরু যিথ্রোর্‌ কানত্‌ গেলঅ। লগেপ্রভু কেধোক্ক্যেনগুরি মিসর দেজত্তুন্‌ ইস্রায়েলীয়গুনোরে নিগিলেই আন্যে তে সিয়েনঅ শুন্যে।

যাত্রা 18:1 Iomraidhean Croise

গীতসংহিতা 105:43

হুজি আর রঙ্গ-ফুত্তি গীদোর্ সমারে তার বেঈ লোইয়্যে মানুচ্চুনোরে তে নিগিলেই আনিলো।

গীতসংহিতা 105:5

ও তার চাগর অব্রাহামর বংশধরুন্, তার বেঈ লোইয়্যে যাকোবর পুয়োছাগুন্, তুমি তার দাঙর্ কামানির কধা ইদোত্ রাগঅ; তার আমক্ অবার কামানির্ কধা আর বিচেরর যে সাজার কধা তে কোইয়্যে সিয়েন ইদোত্ রাগঅ।

গীতসংহিতা 106:2

লগেপ্রভুর্ দোল্ দোল্ কামর কধানি কন্না কোই পারে? তার বাঈনী গরানালোই ভরা কধাগান ফগদাঙ্ গরে এবাবোত্যে সাধ্য কার্?

গীতসংহিতা 34:2

মুই লগেপ্রভুরে নিইনে বার্ গুরিম; সিয়েনি শুনিনে দুঘী মানুচ্চুনে হুজি অবাক্।

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

গীতসংহিতা 78:4

তারার বংশগুনোর ইদু আমি সিয়েনি লুগেই ন-রাগেবং; আমি মুজুঙো বংশধরুনোর ইদু লগেপ্রভুর বাঈনীবলা কামর কধা কবং; তার খেমতার কধা আর তে যেদক্কানি আমক্ অবার কাম গোজ্যে সেই কধানি কোম।

যাত্রা 2:16

সিদুগোর্‌ মিদিয়োনীয় ধর্মগুরুবোর্‌ সাত্তো ঝি এলাক্। সিগুনে তারা বাব্‌‌পোর্ ভেড়াছাগলুনোরে পানি হাবেবাত্তে পানি তুলিনে গাবালা ভুরিবাত্যে সে জাগানত্‌ গেলাক্।

যাত্রা 2:18

সে মিলেগুনে তারা বাপ্পো রূয়েল ইধু ফিরি যানার পরেদি তে পিজের্‌ গুরিলো, “এচ্চ্যে তুমি এদক্‌ যাদিমাদি কেনে ফিরি এলা?”

যাত্রা 2:21

পরেদি মোশি সেই ধর্মগুরুবো সমারে থেবাত্তে রাজী অলঅ আর তে মোশি লগে তার্‌ ঝিবো সিপ্পোরার মেলা গুরি দিলো।

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 4:18

ইয়েন পরেদি মোশি তা শুয়োর্‌ যিথ্রো ইধু ফিরি যেইনে তারে কলঅ, “মিসর দেজত্‌ মঅ কুদুম্মোগুনো ইধু মরে ফিরি যেবাত্তে অনুমতি দুয়ো। মুই যেইনে দেগিবাত্তে চাং তারা এজঅ বাঁজি আগন্‌ নাহি।” যিথ্রো মোশিরে কলঅ, “ঠিক্‌ আঘে যঅ, তমার্‌ ভালেদি ওক্।”

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

গণাণা 10:29

ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।

বিচের গুরিয়্যেগুন 1:16

মোশি শোরোর্‌ গুট্টিগুনে, যিগুনে জাদে কেনীয় এলাক্‌, তারা খাজোর্‌-শঅ‌রত্তুন্‌ নিগিলিনে অরাদ চাগালার দোগিণে যিহূদা-গুট্টির কোরোল্যে-ভূইয়োর্‌ চাগালাত্‌‌ গেলাক্‌। আর সিদুগোর্‌ মানুচ্চুনো সমারে থেই গেলাক্‌।

বিচের গুরিয়্যেগুন 4:11

ইয়েনর্ আগেন্দি হেবর নাঙে এক্কো কেনীয় অন্য কেনীয়গুনোর, অত্তাৎ মোশির শোর্‌বো হোববর গুট্টিগুনোরে ছাড়িনে কেদশর ইদু সানন্নীমোর এলোন গাজর কায় কুরে তা তাম্বুলান ফেলেয়্যে।