যাত্রা 17:9 - Chakma Bible

⁹ সেক্কে মোশি যিহোশূয়োরে কলঅ‌, “তুই আমা ভিদিরেত্তুন্‌ মানুচ্‌ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্‌। মুই কেল্যে গোজেনর সেই লুদিক্কো মঅ আদত্‌ লোইনে মুড়োবো মাদা উগুরে যেইনে ঠিয়েম্‌।”

যাত্রা 17:9 Iomraidhean Croise

১ বংশধর 7:27

ইলীশামা পুয়ো নূন আর নূন পুয়ো যিহোশূয়।

যাত্রা 17:13

সেক্কে যিহোশূয় যুদ্ধোত্‌ অমালেকীয়গুনোরে অদেই দিলো।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 24:13

এই কধাগান্‌ শুনিনে মোশি তারে এজাল্‌ দিয়্যে যিহোশূয়রে নেযেইনে যাহ্ ধুরিলো। সে পরেদি তে গোজেনর্ মুড়োবোত্‌ যেইনে উদিলো।

যাত্রা 33:11

মান্‌জে যেধোক্ক্যেন গুরি মুয়োমি ওইনে সমাজ্যে লগে কধা কন্‌ লগেপ্রভু ঠিগ্ সেধোক্ক্যেন গুরিই‌ মোশির্‌ লগে কধা কদঅ‌। পরেন্দি মোশি ইস্রায়েলীয়গুনোর্‌ তাম্বুলোত্‌ ফিরি যেদঅ‌ মাত্তর্‌ নূনোর্‌ পূঅবো যিহোশূয় মিলন-তাম্বুলান ছাড়ি ন-যেদঅ‌। যিহোশূয় নাঙে এই গাবুজ্যেবো অলদে মোশিরে এজাল্‌‌দিয়্যে।

যাত্রা 4:17

তর্‌ এ লুদিক্কো তুই আঢত্‌ গুরি নেযেবে আর সিবেলোই সে বেক্‌ আমক্‌ অবার কামানি গুরিবে।”

যাত্রা 4:2

সেক্কে লগেপ্রভু তারে কলঅ, “তঅ আঢত্‌ সিবে কি?” তে কলঅ, “এক্কো লুদিক্‌।”

যাত্রা 4:20

সেক্কে মোশি তা মোক্কো আর পূয়োগুনোরে এক্কো গাধা পিদিত্‌ বোজেল আর তারারে লোইনে মিসর দেজ মোক্যে ফিরিলো। গোজেনর্‌ সে লুদিক্কোয়ো তে আঢত্‌ গুরি নেযেল।

গণাণা 11:28

সেক্কে নূনোর পূঅ যিহোশূয় মোশিরে কলঅ, “ও মর্‌ প্রভু, সিগুনোরে জুরো গুরি থেবাত্তে উগুম গর্‌।” যিহোশূয় গাবুরো বয়জত্তুন্‌ ধুরি মোশির সাহায্যগুরিয়্যে এলঅ।

গণাণা 13:16

মোশি এই মানুচ্চুনোরে কনান দেজর্‌ খোঁজ-খবর লোই আনিবাত্তে পাদেয়্যে। তে নূনোর পূঅ হোশেয়র নাঙান দিয়্যেদে যিহোশূয়ো।

গণাণা 13:8

ইফ্রয়িম-গুট্টির নূনোর পূঅ হোশেয়:

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

প্রেরিত্‌ 7:45

আমা পূরোণি মানুচ্চুনে সে তাম্বুলান্ পেইনে তারার্ নেতা যিহোশূয়র অধীনোত্ সিয়েন নিজো সমারে আমা এ দেজত্ আন্ন্যন্। গোজেনে সেক্কে তারা মুজুঙোত্ থেইনে অন্য জাদ্‌তুনোরে ধাবেই দিয়্যে আর তারা এ দেশ্‌‌চ‌ান গজক্ গোজ্জ্যন্। দায়ূদোর সময় সং সেই তাম্বুলান্ এ দেজত্ এলঅ।

দ্বি’লম্বর বিররণ 32:44

মোশি আর নূনর পূঅ যিহোশূয় এই গানর বেক কধানি মানুচ্চুনোরে শুনেলাক্।

ইব্রীয় 4:8

যুনি যিহোশূয় ইস্রায়েলীয়গুনোরে সেই জিরেবার জাগানত্ নেযেদ সালে গোজেনে পরেদি আর এক্কান সময়োর্ কধা ন-কদঅ।

যিহোশূয় 8:18

সেক্কে লগেপ্রভু যিহোশূয়রে কলঅ‌, “তঅ আদ সেই তলোয়ারান্ অয় শঅরন্দি বাবেইনে ধর্‌, কিত্যে তঅ‌ আদত্‌ মুই শঅরান তুলি দিম্‌।” যিহোশূয় সেক্কে তা তলোয়ারান্‌ অয় শঅরন্দি বাবেইনে ধুরিলো;

যিহোশূয় 8:3

সেক্কে অয় শঅ‌রান্‌ আক্রমণ গুরিবাত্তে যিহোশূয় ত্রিশ আজার বীর যোদ্ধা বেঈ নেযেইনে নিগিলি এলঅ‌। তে রেদোত্‌ তারারে এ উগুমান দিলো, “তুমি শুনো, তমা ভিদিরেত্তুন কিজু সৈন্য তুমি শঅরর্‌ পিজেন্দি লুগেই রাগেবা। শঅ‌রত্তুন বেশ্‌ দূরোত্‌ ন-যেবা। তুমি বেক্কুনে যুক্কোল্‌ থেবা।