যাত্রা 17:7 - Chakma Bible

⁷ মানুচ্চুনে এই রফীদীমোত্‌ কোল্‌-কোজ্যে গোজ্যন্‌ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্‌। সেনত্যে মোশি এই জাগাগানর্‌ দ্বিয়েন্‌ নাঙ্‌ দিলো মঃসা (যিয়েনর্ ভেদ্‌তান্ “জগা চানা”) আর মরীবা (যিয়েনর্ ভেদ্তান্ “কোল্‌বাজানা”)।

যাত্রা 17:7 Iomraidhean Croise

গীতসংহিতা 106:32

মরীবার পানি পারত্ তারা লগেপ্রভুরে রাগ তুলি দুয়োন্; তারাত্তে মোশি দযাত্ পল্ল।

গীতসংহিতা 78:18

তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

গীতসংহিতা 81:8

ও মঅ মানুচ্চুন্, তুমি মর্ উজিয়ার কধাগান শুনো; ও ইস্রায়েলীয়গুন, মর্ অমকদ আওজ্, তুমি মঅ কধানি শুনো।

গীতসংহিতা 95:8

তে কোইয়্যেদে, তমা পুরোণি মানুচ্চুনো ধোক্ক্যেন্ তমা মনানি তুমি দর ন-গোজ্য; তারা ধূল্যেচর-চাগালাত্ মরীবায় আর মঃসায়ত মরে জগা চেইয়োন্। যুনিয়ো তমা পুরোণি মানুচ্চুনে মঅ কামানি দেখ্যন্, তো তারা সিদু মরে বিজিরে চেইয়োন্।

যাত্রা 17:2

সেনত্তে তারা মোশি লগে কোল্‌-কোজ্যে বাজেইনে কলাক্, “আমারে হেবাত্তে পানি দে।” মোশি তারারে কলঅ, “তুমি মঅ‌ লগে কিত্তেই কোল্‌-কোজ্যে বাজর্, আর কিত্তেই‌ বা তুমি লগেপ্রভুরে জগা চঅর্‌?”

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 20:13

সেই পানিগানরে কুয়া অলঅ মরীবা (যিয়েনর্‌ ভেদ্‌তান “কোল্‌বাজানা”)। ইয়েনত্‌ ইস্রায়েলীয়গুনে লগেপ্রভুর লগে কোল্‌ বাজেয়োন্‌ আর লগেপ্রভু ইয়োদোই তারা ভিদিরে নিজোর পবিত্রতাগান্‌ ফগদাং গোজ্যে।

গণাণা 20:24

“হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

গণাণা 27:14

ইয়েনর্‌ কারনান্‌ অলঅ, সীন ধূল্যেচর-চাগালাত্‌ ইস্রায়েলীয়গুনে যেক্কে পানিত্যে উল্লোমী গোজ্যন্‌ সেক্কে ইস্রায়েলীয়গুনো মুজুঙোত্‌ মরে সুদ্ধো-সাংগ বিলি মান্য গুরিবার্‌ উগুমান্‌ তুমি অমান্য গোজ্য।” ইয়েন্‌ সীন ধূল্যেচর-চাগালাত্‌ কাদেজর্‌ মরীবার পানিগানর কধা।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

দ্বি’লম্বর বিররণ 6:16

তুমি তমার্‌ গোজেন লগেপ্রভুরে জগা চেবাত্তে ন-যেয়ো, যেধোক্ক্যেন তুমি মঃসাতত্‌ গোজ্য।

দ্বি’লম্বর বিররণ 9:22

তবিয়েরাতত, মঃসাতত আর কিব্রোৎ-হত্তাবাততঅ তুমি লগেপ্রভুর রাক্কান্‌ জাগেই তুল্য।

যিহোশূয় 22:31

ধর্মগুরু ইলিয়াসর পূঅ পীনহসে তারারে কলঅ‌, “এচ্চ্যে আমি বুঝি পারিলোং, লগেপ্রভু আমা লগে আঘে, কিত্যে তুমি এ পৌইদ্যেনে লগেপ্রভু উগুরে বেঈমানীর্ কাম্‌ ন-গরঅ‌। তুমি লগেপ্রভুর আদত্তুন্‌ ইস্রায়েলীয়গুনোরে বাজেলা।”