যাত্রা 17:4 - Chakma Bible

⁴ এই কধাগান শুনিনে মোশি লগেপ্রভু ইধু কানাকুদি গুরিনে কলঅ‌, “মুই এই মানুচ্চুন্দোই কি গুরিম? আর এক্কেনা বেশ্‌কম্‌ অলে দঅ তারা মরে পাত্তর্‌ মারিবাক্।”

যাত্রা 17:4 Iomraidhean Croise

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যাত্রা 14:15

ইয়েন পরেদি লগেপ্রভু মোশিরে কলঅ, “তুই মইধু কিত্তেই কানাকুদি গরর্‌? ইস্রায়েলীয়গুনোরে উজেই যেবাত্তে কঅ‌।

যাত্রা 15:25

এই কধাগান্‌ শুনিনে মোশি যেইনে লগেপ্রভু ইধু কানাকুদি গরা ধুরিলো। তে মোশিরে এক্কো গাজ্ দেগেই দিলো। মোশি সিবে পানিত্‌ ফেলে দিলো আর সেই পানিগান হেই পারেপা অলঅ‌। লগেপ্রভু সিয়েনত্‌ তারারে জগা চেলঅ আর তারাত্তেই এক্কান সুদোম আর আইন থিদেবর্ গুরিলো।

গণাণা 11:11

তে লগেপ্রভুরে কলঅ, “তুই তর্‌ চাগর্‌বোরে কিত্তে এই দজাত্‌ ফেলেয়োচ্‌? তরে বেজার্‌ অইদে ধোক্ক্যেন মুই এন্ কি গোজ্যংগে, তুই এই বেক্‌ মানুচ্চুনোর্‌ ভারান্‌ মঅ উগুরে চাপি দুয়োচ্‌?

গণাণা 14:10

মাত্তর্‌ দলর বেক্কুনে যিহোশূয় আর কালেবরে পাত্তর্‌ মেলা দিইনে মারে ফেলেবার কধা কুয়া ধোজ্যন। সেক্কে মিলন-তাম্বুলোত্তুন বেক্‌ ইস্রায়েলীয়গুনোর্‌ মুজুঙোত্‌ লগেপ্রভুর মহিমা দেগা দিলো।

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

যোহন 10:31

সেক্কে যিহূদী নেতাগুনে তারে মারিবাত্যে আরঅ পাত্তর্ তুবেলাক্।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 7:50

ইয়েনি বেক্ জিনিস্‌চানি কি মুই নিজো আঢে ন-বানাং?

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।