যাত্রা 17:3 - Chakma Bible

³ মাত্তর্‌ মানুচ্চুনে পানি খাজে অরান্‌ ওইয়োন্‌, সেনত্তেই তারা মোশির্‌ বিরুদ্ধে নানান্‌ কধা কোইয়োন্‌। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্‌ আন্ন্যচ্?”

যাত্রা 17:3 Iomraidhean Croise

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

গীতসংহিতা 107:5

তারা পেট্ পরায় আর পানি তিরেজে দুগ্ পেলাক্, তারার পরানানর বেক্ আজাগান আরেয়োন্।

যাত্রা 12:38

ইস্রায়েলীয়গুনে বাদেয়ো আরঅ বোউত্‌ মানেই আর গোরু-ভেড়াছাগলসুদ্ধো এক্কো দাঙর্‌ য়েমানর্ ঝাক্‌অ‌ তারা সমারে এলঅ‌।

যাত্রা 14:11

তারা মোশিরে কলাক্, “মিসরত্‌ গোর্ দিবার্‌ জাগা নেই বিলিনে কি মুরিবাত্যেই তুই এই ধূল্যেচর চাগালাত্‌‌ আমারে আন্যচ্‌? মিসরত্তুন্‌ নিগিলেই আনিনে তুই‌ আমারে ইয়েন্‌ কি গুরিলে?

যাত্রা 15:24

সেক্কে মানেইয়ুনে তোস্যে পেইনে মোশিরে কলাক্‌, “ইক্কিনে আমি হেবার্‌ পানি কুদু পেবং?”

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 20:4

কিত্তে তুই লগেপ্রভুর মানুচ্চুনোরে এই ধূল্যেচর-চাগালাত্‌ আনিলে যেনে য়েমানপাল সুদ্দো আমি মুরি যেই?