যাত্রা 17:13 - Chakma Bible

¹³ সেক্কে যিহোশূয় যুদ্ধোত্‌ অমালেকীয়গুনোরে অদেই দিলো।

যাত্রা 17:13 Iomraidhean Croise

যাত্রা 17:12

এধোক্ক্যেনগুরি মোশির্‌ আত্তান্‌ গুয়োর্‌ ওই গেলঅ। সেক্কে তারা এক্কো পাত্তর্‌ আনিলাক্, আর মোশি সিবে উগুরে বজিলো। হারোণ আর হূরে দ্বি দাগেত্তুন্‌ তার্‌ আত্তান উজু গুরিনে ধুরি রাগেলাক্‌। সেনে বেলান্‌ ন-ডুবে সং তার্‌ আত্‌ দ্বিয়েন্‌ আগঅ ধোক্ক্যেন রলঅ‌।

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

যিহোশূয় 10:28

যিহোশূয় সেদিন্যে মক্কেদাগান্ অধিকার গুরি নিলো। তে সে শঅরর্‌ রাজা আর বেক্‌ মানুচ্চুনোরে মারে ফেলেল আর সিদুগোর্ বেক্‌ জেদা পরাণবলাগুনোরে শেজ্‌ গুরি দিলো, কাররে বাজে ন-রাগেল। তে যিরীহো রাজার যে অবস্থা গোজ্যে মক্কেদার রাজার অবস্থায়ো সেধোক্ক্যেন্‌ গুরিলো।

যিহোশূয় 10:32

লগেপ্রভু লাখীশছানরে ইস্রায়েলীয়গুনোর আঢত্‌ তুলি দিলো। দ্বিদিনোত্‌ যিহোশূয় সিয়েন গজক্ গুরি নিলো। যিহোশূয় লিব্‌না শঅ‌রত্‌ যেধোক্ক্যেন্‌ গোজ্যে সেধোক্ক্যেন্‌ লাখীশ মানুচ্চুনোরে আর বেক্‌ জেদা পরাণবলাগুনোরে মারে ফেলেল।

যিহোশূয় 10:37

তারা শঅ‌রান গজক্ গুরিনে সে জাগার মানুচ্চুনোরে, তারার রাজাবোরে, তা কায়কুরে আদামানির বেক্‌ মানুচ্চুনোরে আর হিব্রোণর বেক্‌ জেদা পরাণবলাগুনোরে মারে ফেলেল। যিহোশূয় ইগ্লোনত্‌ যেধোক্ক্যেন্‌ গোজ্যে সেধোক্ক্যেন্‌ সিদু কাররে বাঁজেই ন-রাগেল; তে হিব্রোণ আর তার্‌ বেক্‌ মানুচ্চুনোরে এক্কুবারে শেজ্‌ গুরি দিলো।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

যিহোশূয় 11:12

যিহোশূয় বেক্‌ রাজাগুনোর্‌ শঅ‌রানি গজক্ গুরি নিইনে সিদুগোর্ রাজাগুনোরে বন্দী গুরিলো। তে সেই রাজাগুনোরে আর সিদুগোর্ মানুচ্চুনোরে মারে ফেলেল। লগেপ্রভুর চাগর্‌ মোশির উগুম মজিম তে তারারে এক্কুবারে ভস্ত গুরি দিলো।

যিহোশূয় 8:26

অয় শঅ‌রত্‌ যিগুনে এলাক্‌ তারা বেক্কুনে শেজ্‌ ওই ন-যানা সং যিহোশূয় তলোয়ারান্দোই আত্তান্‌ বাবেই রাগেল।