যাত্রা 17:1 - Chakma Bible

¹ পরেদি লগেপ্রভুর্‌ উগুমে ইস্রায়েলীয়গুনোর্‌ দল্লো সিন ধূল্যেচর-চাগালাত্তুন যানা আরাম্ভ গুরিনে এক জাগাত্তুন্‌ আর একজাগাত্‌ যাদে যাদে যেরেদি রফীদীমোত্‌ যেইনে তাম্বুল তাঙেলাক্। মাত্তর্‌ সিদু হেবার্‌ পানি ন-এলঅ‌।

যাত্রা 17:1 Iomraidhean Croise

যাত্রা 15:22

পরেদি মোশি লোহিত সাগরত্তুন্‌ ইস্রায়েলীয়গুনোরে নেযেল। তারা পত্তমে শূর নাঙে এক্কান ধূল্যেচর চাগালাত্‌ গেলাক্। সেই ধূল্যেচর চাগালাত্‌‌ তিন দিন সং ঘুরি ঘুরি তারা কনজাগাত্‌ পানি ন-পেলাক্।

যাত্রা 16:1

ইস্রায়েলীয়গুনোর্‌ দল্‌লো এলীমত্তুন্‌ আরঅ‌ যানা আরাম্ভ গুরিলাক্। মিসর্‌ দেজত্তুন্‌ নিগিলি এজানার্‌ পরেন্দি দ্বিমাজর্‌ পনর দিনোত্‌ তারা সিন ধূল্যেচর-বামত্‌ যেইনে লুমিলাক্। এই জাগায়ান্‌ এলঅ‌ এলীম আর সিনাই মুড়োবোর সংমোধ্যে।

যাত্রা 17:8

এই সময়োত্‌ অমালেকীয় সৈন্যগুনে ইস্রায়েলীয়গুনো সমারে যুদ্ধো গুরিবাত্তে রফীদীমোত্‌ লুমিলাক্‌।

যাত্রা 19:2

তারা রফীদীমান ফেলেই এইনে সিনাই মুড়োবো মুজুঙোত্‌ সিনাই ধূল্যেচর-চাগালাত্ তাম্বুল ঠাঙেলাক্।

গণাণা 20:2

সেই জাগানত্‌ পানি ন-থানায়্‌ ইস্রায়েলীয়গুনে মোশি আর হারোণর বিরুদ্ধে দল পাগেলাক্।

গণাণা 9:17

থেবার-তাম্বুলান উগুরেত্তুন্‌ যেক্কে মেঘ্‌কান সোরেই যেদঅ সেক্কে ইস্রায়েলীয়গুনে আঢা মারিদাক। মাত্তর্‌ যিয়েনত্‌ সেই মেঘ্‌কান্‌ উজু গুরি থিয়েদ সিয়েনত্ তারা তাম্বুলান ফেলেদাক্।

গণাণা 9:23

লগেপ্রভুর উগুমে তারা তাম্বুলান্‌ ফেলেদাক্‌ আরঅ লগেপ্রভুর উগুমে যাহ্ ধুরিদাক। মোশিরে দিইনে উগুম্‌ মজিম তারা লগেপ্রভুর উগুমান মানি চলিদাক্।