যাত্রা 16:4 - Chakma Bible

⁴ সেক্কে লগেপ্রভু মোশিরে কলঅ‌, “মুই এধোক্ক্যেন গুরিম্‌ যেনে তমাত্যেই স্বর্গত্তুন্‌ ঝড় ধোক্ক্যেন গুরি হেবার্‌ জিনিস্‌ ঝুরি পড়ে। মানুচ্চুনে দিন্‌মাগেনে বারেন্দি যেইনেই সিয়োত্তুন্‌ বানা সে দিনোর্‌ খানাগান কুরেই আনিবাক্। তারা মর্‌ উগুমো ধোক্ক্যেন চুলিবাক্‌ কিনা সিয়েন মুই তারারে যগা চেইম্‌।

যাত্রা 16:4 Iomraidhean Croise

নহিমিয় 11:23

রাজার উগুমোর্‌ অধীনোত্‌ এলাক্কে এ গানগেইয়্যেগুনে। সে উগুম্‌ মজিম্‌ তারার্‌ পত্তিদিনোর্‌ কামানি ঠিগ্‌ গরা অদঅ।

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

গীতসংহিতা 105:40

তারা হানা চেইয়োন বিলিনে তে তারারে ভারুই পেক্ আনি দিলো; স্বর্গত্তুন্ রুটিলোই তারারে পেট্ ভোরেই দিলো।

গীতসংহিতা 78:23

তো তে উগুরে দেবাবোরে উগুম দিলো আর দেবাবোর দোরান্ খুলি দিলো।

যাত্রা 15:25

এই কধাগান্‌ শুনিনে মোশি যেইনে লগেপ্রভু ইধু কানাকুদি গরা ধুরিলো। তে মোশিরে এক্কো গাজ্ দেগেই দিলো। মোশি সিবে পানিত্‌ ফেলে দিলো আর সেই পানিগান হেই পারেপা অলঅ‌। লগেপ্রভু সিয়েনত্‌ তারারে জগা চেলঅ আর তারাত্তেই এক্কান সুদোম আর আইন থিদেবর্ গুরিলো।

যাত্রা 16:15

সিয়েনি দেগিনেই ইস্রায়েলীয়গুনে একজন আরেক্‌জনরে কলাক্‌, “ইগুন্‌ কি?” ইগুন্‌ যে কি, সিয়েন্‌ তারা ন-জানিদাক্। সেক্কে মোশি তারারে কলদে, “ইগুনোই‌ সেই রুটি যিগুন্‌ লগেপ্রভু তমারে হেবাত্তে দিয়্যে।

গম্ উপদেজ্ 30:8

ছলনা আর মিজে কধা কনা মত্তুন্ দূরোত্ রাগা, মরে নাঢা বা তাগোয়্যে ন-গুরিচ্। যে হানাগান মর্ লাগিবো বানা সিয়েন মরে দিচ্,

মথি লেখ্যে গম্ হবর্ 6:11

যে হানাগান্ আমার্ দরকার সিয়েন্ এচ্চ্যে আমারে দে।

লূকে লেখ্যে গম্ হবর্ 11:3

পত্তিদিনোর্ হানা তুই আমারে পত্তিদিন্ দে।

১ করিন্হীয় 10:3

গোজেনর্ দিয়্যে সেই এক্কুই হানা আর সেই এক্কুই পানি তারা বেক্কুনে হেইয়োন্। গোজেনর্ দিয়্যে যে শিল্লো তারা সমারে সমারে যার্ সিবেত্তুন্ তারা হেবাত্যে পানি পেদাক্; আর খ্রীষ্টই এলদে সেই শিল্লো।

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”