যাত্রা 16:23 - Chakma Bible

²³ সেক্কে মোশি তারারে কলদে, “ইয়েন্‌ লগেপ্রভুর্‌ কধা। এজেত্তে কেল্যে জিরেবার্‌ দিন, লগেপ্রভুর পবিত্র জিরেবার্‌দিন। সেনত্তেই যেদক্কানি সিঁগি নিবার নেযঅ‌ আর যেদক্কানি উজিবার্ গুরিবার উজিবার্ গুরি নেযঅ‌; বাদ্‌বাগীগানি তার্‌ কেল্যে বেন্যেত্তেই থোই‌ দুয়ো।”

যাত্রা 16:23 Iomraidhean Croise

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

যাত্রা 16:19

সে পরেদি মোশি তারারে কলঅ‌, “বেন্যেত্যে তুমি ইয়েনির্‌ কিজু ন-রাগেয়ো।”

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যাত্রা 31:15

তুমি সাপ্তায়্‌ ছয়দিন কাম্‌ গুরিবা মাত্তর্‌ সাত্‌ দিনোত্‌ অবদে জিরেবার্‌ দিন, আর লগেপ্রভুর নাঙে সিবে এক্কো ফারক্‌ গুরি রাগেয়্যে দিন। যুনি কনজনে এ দিন্নোত্‌ কাম্‌ গরন্‌ সালে তারে মারে ফেলা পুরিবো।

যিরমিয় 17:22

মুই যেবাবোত্যেগুরি তমা পুরোণি মানুচ্চুনোরে উগুম দুয়োং সেবাবোত্যে জিরেবার দিনোত্ তুমি তমা ঘরত্তুন্ কনঅ বুদি নিগিলেই ন-আনিবা বা কনঅ কাম ন-গুরিবা, বরং জিরেবার দিন্নো মঅ নাঙে যুদো গুরি রাগেবা।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

গণাণা 11:7

মান্নার্‌ চেঙারাগান্‌ অলঅ বাগোর্‌ বীঝি ধোক্ক্যেন, আর সিগুন চাদেয়ো এলাক্কে গুগ্‌গুলুর ধোক্ক্যেন।

গণাণা 11:8

মানুচ্চুনে ঘুরি ফিরি সিগুন্‌ কুড়েইনে আনিদাক আর কল্লোই বা পাত্তর্‌লোই নিগুজ্‌ গুরি নিদাক। সিগুন্‌ তারা পিলেলোই উঝিদাক বা সিগুনদোই পিদে বানেদাক্। সিয়েরর্‌ চোত্তান্‌ এলদে জলপাইয়োর্‌ তেল দিইনে বানেয়ে পিদে ধোক্ক্যেন।

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

দ্বি’লম্বর বিররণ 5:12

তমা গোজেন লগেপ্রভু তরে যেধোক্ক্যেন উগুম্‌ গোজ্যে সেধোক্ক্যেন গুরি তুমি জিরেবার্‌ দিন্নোরে মর্‌ নাঙে যুদো গুরি রাগেবা আর সিবে পালন গুরিবা।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।