যাত্রা 16:2 - Chakma Bible

² সিন ধূল্যেচর-চাগালাত ইস্রায়েলীয়গুনোর্‌ গোদা দল্লো মোশি আর হারোনর বিপক্ষে নানান্‌ কধা কুয়ো দোজ্যন্‌।

যাত্রা 16:2 Iomraidhean Croise

পত্থম 19:4

মাত্তর্‌ তারা ঘুমোত্‌ পড়িবার্‌ আগেদি সদোম শঅরর্‌ বেক্‌ গাবুজ্যে আর বুড়োগুনে এইনে ঘরান্‌ ঘিরি ফেলেলাক্‌।

গীতসংহিতা 106:13

মাত্তর্ তা কামানির কধা যাদিমাদি ভুলি গেলাক্; তারা তার সল্লা গুরিবাত্তে বাজ্জেই ন-থেলাক্।

গীতসংহিতা 106:25

তারা তাম্বুলো ভিদিরে কধা কুয়ো ধুরিলাক্; লগেপ্রভুর কধা তারা কান ন-পাদিলাক্।

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

যাত্রা 14:11

তারা মোশিরে কলাক্, “মিসরত্‌ গোর্ দিবার্‌ জাগা নেই বিলিনে কি মুরিবাত্যেই তুই এই ধূল্যেচর চাগালাত্‌‌ আমারে আন্যচ্‌? মিসরত্তুন্‌ নিগিলেই আনিনে তুই‌ আমারে ইয়েন্‌ কি গুরিলে?

যাত্রা 15:24

সেক্কে মানেইয়ুনে তোস্যে পেইনে মোশিরে কলাক্‌, “ইক্কিনে আমি হেবার্‌ পানি কুদু পেবং?”

যাত্রা 17:3

মাত্তর্‌ মানুচ্চুনে পানি খাজে অরান্‌ ওইয়োন্‌, সেনত্তেই তারা মোশির্‌ বিরুদ্ধে নানান্‌ কধা কোইয়োন্‌। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্‌ আন্ন্যচ্?”

যাত্রা 5:21

পরিচালক্কুনে তারারে কলাক্, লগেপ্রভু যেন তমারে সাজা-দে, কিত্তে ফরৌণে আর তা কাম্‌গুরিয়্যেগুনো ইধু তুমি আমারে একবাবোত্যে ঈচ্ গরেদে ধোক্ক্যেন গোজ্য, আর সেনে আমারে মারে ফেলেবার্‌ তলোয়ারানি তারা আঢত্‌ তুলি দুয়োন্‌।

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

১ করিন্হীয় 10:10

তারা ভিদিরে ভালোকজনে কাঙেলেত্যে পেইনে যেবাবোত্যেগুরি ভস্তগুরিয়্যে দূত্‌তুন্দোই ভস্ত ওইয়োন্ সেবাবোত্যেগুরি তুমি কাঙেলেত্যেগান ফগদাং ন-গোজ্জ্য।