যাত্রা 16:12 - Chakma Bible

¹² “ইস্রায়েলীয়গুনে মর্‌ বিরুদ্ধে যেদক্কানি কধা কদন্‌ সিয়েনি মুই শুন্যং। তারারে এই কধাগান্‌ কোই‌ দুয়ো, তারা সাজোন্যা অক্তত্‌ য়েরা হেবাক্‌ আর বেন্যে মাদান হেবাক্‌ পেট ভরন্‌ পিদে। সেক্কে তারা জানি পারিবাক্‌, মুই লগেপ্রভু তারার্‌ গোজেন।”

যাত্রা 16:12 Iomraidhean Croise

১ রাজাবলী 20:28

সেক্কে গোজেনর্ ইক্কো মানুচ্‌ এইনে ইস্রায়েলর রাজারে কলঅ, “লগেপ্রভু এ কধাগান কত্তে, ‘অরামীয়োগুনে মনে গোজ্যন্‌ লগেপ্রভু মুড়ো-মুড়ির্‌ গোজেন, কিজিঙোর্‌ গোজেন্‌ নয়; সেনত্তে মুই এ দাঙর্‌ সৈন্যদল্লোরে তঅ আঢত্‌ তুলি দিম্‌, আর সেক্কে তুমি জানি পারিবা, মুই লগেপ্রভু।’”

গীতসংহিতা 105:40

তারা হানা চেইয়োন বিলিনে তে তারারে ভারুই পেক্ আনি দিলো; স্বর্গত্তুন্ রুটিলোই তারারে পেট্ ভোরেই দিলো।

যাত্রা 12:6

ছঅবুয়ো এ মাসর চোদ্দো তারিখ সং রাগা পড়িবো। সে পরেদি সেদিন্যে বেল্‌ ডুবি যানার পরেদি পুরো ইস্রায়েল সমাজর্‌ পত্তি পরিবারর যার্ যার্‌ ভেড়া ছাগল ছঅগুন কাবিবাক্।

যাত্রা 16:11

সেক্কে লগেপ্রভু মোশিরে কলঅ,

যাত্রা 4:5

সে পরেদি লগেপ্রভু কলঅ, “তুই ইয়েন গুরিবে যেনে তারা বিশ্বেজ্ গরন্‌, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু ঘেচ্চেক্‌গুরি তরে দেগা দিয়্যে।”

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যাত্রা 7:17

সেনত্যে লগেপ্রভু কত্তে, তেয়ই যে লগেপ্রভু সিয়েন্‌ তুই এ চিহ্নোগান্‌ দেগিনে বুঝি পারিবে। তুই কবে, ‘মুই ইক্কিনে মর্‌ আঢঅ এ লুদিক্কো গাঙ পানিত্‌ আঘাত্‌ গুরিবাত্তে যাঙর্‌ আর সিবেলোই গাঙ পানিগান্‌ লো ওই যেবঅ।

যিরমিয় 31:24

সে মানুচ্চুনে যিহূদা আর তার বেক্ শঅরানিত্ বজত্তি গুরিবাক্ আর চাষীগুন আহ্ যিগুনে তারার য়েমান পালুন নিইনে ঘুড়োন্ তারায়ো সিদু থেবাক্।

যিহিষ্কেল 34:30

সেক্কে তারা হবর্ পেবাক্, মুই তারার গোজেন লগেপ্রভু তারা লগে লগে আগং আর তারা, অত্তাৎ ইস্রায়েলীয়গুনে মর্ মানুচ্।

যিহিষ্কেল 35:13

তুই মঅ বিরুদ্ধে বাড়্‌বো গুরিনে বোউত্ কধা কোইয়োচ্। মুই সিয়েনি বেক্কানি শুন্যং।

যিহিষ্কেল 39:22

সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

গণাণা 11:4

ইস্রায়েলীয়গুনো লগে অন্য জাদর্‌ যে মানুচ্চুনে এলাক্‌ তারা আরেক বাবোত্যে হানার্‌ লুভে পাগল্‌ ওই উদিলাক। তারার্‌ মজুঙো-মুজুঙি ইস্রায়েলীয়গুনে আরঅ‌ কানাকুদি গুরিনে কুয়ো ধুরিলাক, “হায়, যুনি আমি য়েরা হেই পেদং!

গণাণা 14:27

“আর কয়দিন এই পাজি জাদ্‌তুনে মর্‌ বিরুদ্ধে বক্‌বক গুরিবাক? তারার্‌ বক্‌বক্‌ গরানা মুই শুন্যং।”