যাত্রা 15:8 - Chakma Bible

⁸ তর্‌ নিশ্বেজর্ থেলায় পানিগান্ এগত্তর্‌ ওই উদিলো। তুবোল্লোই ভোজ্যে বেক্‌ পানিগান খুদো ধোক্ক্যেন ওইনে ঠিয়্যেই গেলঅ, আর তলা ন-পেইয়্যে পানিগান্‌ জমা অলঅ সাগরর্‌ বুগোত্‌।

যাত্রা 15:8 Iomraidhean Croise

২ শমূয়েল 22:16

লগেপ্রভুর ধমক্কোই আর নিজেযর্‌ তেলাই সাগর তলাগান দেগা গেল, পিথ্‌তিমীর ভিদিরেগান নিগিলিলো।

ইয়োব 4:9

গোজেনর বঅ নিজেজে তারা ভস্ত ওই যাদন্‌ আর শেজ্‌ ওই যাদন্‌ তা রাগর্‌ কধালোই।

গীতসংহিতা 33:7

তে সাগর পানিগান এগত্তর্ গুরিনে তুবেয়্যে, আর নানান্ ভান্ডালত্ সে গভীন পানিগান রাগায়।

গীতসংহিতা 78:13

তে সাগরান দ্বিভাগ গুরিনে সংমোধ্যেন্দি তারারে নেযেয়্যে; তে পানিগানরে ভিদে ধোক্ক্যেন্ গুরি থিয়্যেই রাগেয়্যে।

যাত্রা 14:29

মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো পথ ধুরিনেই যেয়োন্দোই। তারার্‌ ডেনে-বাঙেদি পানিগান্‌ দেবাল ধোক্ক্যেন ওই ঠিয়্যেই রলঅ‌।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 37:7

শুন, মুই তা ইধু এমন্ এক্কান মনভাব জাগেই দিম্ যিয়েনত্তে তে এক্কান হবর্ শুনিনে নিজো দেজত্ ফিরি যেবঅ, আর সিয়েনত্ মুই তারে তলোয়ার্‌‌‌লোই শেজ্ গুরি দিম্।’ ”

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:15

তর্ পরিচালনায় ঘোড়াগুনে সাগর ইন্দি গেলাক্ আর দাঙর্ পানি গঙারানরে উলোট-পালোট্ গুরিলো।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”