যাত্রা 15:22 - Chakma Bible

²² পরেদি মোশি লোহিত সাগরত্তুন্‌ ইস্রায়েলীয়গুনোরে নেযেল। তারা পত্তমে শূর নাঙে এক্কান ধূল্যেচর চাগালাত্‌ গেলাক্। সেই ধূল্যেচর চাগালাত্‌‌ তিন দিন সং ঘুরি ঘুরি তারা কনজাগাত্‌ পানি ন-পেলাক্।

যাত্রা 15:22 Iomraidhean Croise

পত্থম 16:7

পদথ্‌ ধূল্যেচর-চাগালা ভিদিরে এক্কান্‌ পানি পয়নালা ইধু লগেপ্রভুর দূত্‌তো হাগাররে দেগিলো। পয়নালাবো অলদে শূর নাঙে এক্কান জাগাত্‌ যেবার পদথ্।

পত্থম 20:1

পরেদি অব্রাহামে মম্রিত্তুন্‌ নেগেভ নাঙে দোগিণে ধূল্যেচর-চাগালা মোক্ক্যেন্দি গেলঅ। সিয়েনত্‌ তে কাদেশ শঅর আর শূরর সংমোধ্যে এক্কান জাগাত্‌ বজত্তি গরা ধুরিলো। সিয়েনত্তুন্‌ তে কয়েক দিনোত্তে গরার শঅরত্‌ যেইনে থেলঅ।

পত্থম 25:18

হবীলাত্তুন্‌ শূর সং যে জাগাগান এলঅ তা বংশর্‌ মানুচ্চুনে সিদু বজত্তি গুরিদাক্‌। জাগাগান্‌ এলঅ মিসর ইদু, আসিরিয়া যেবার পদত্‌। তারার্‌ ভেই ইস্‌হাক বংশধরুনো দেজত্ তারা থেদাক্।

গীতসংহিতা 136:16

যিবে তা মানুচ্চুনোরে ধূল্যেচর-চাগালান্দি নেযেয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 78:52

সে পরেন্দি তা মানুচ্চুনোরে তে ভেড়া ধোক্ক্যেন গুরি নিগিলেই আনিলো, আর ধূল্যেচর-চাগালার ভিদিরেন্দি ভেড়া পাল ধোক্ক্যেন গুরি তারারে পরিচালনা গুরিলো।

গীতসংহিতা 78:53

তে তারারে গমেডালে আনিলো, তারার কনঅ দর্‌বুক ন-লাগিলো; মাত্তর্ সাগরানে তারার শত্রুগুনোরে গিলি ফেলেল।

যাত্রা 17:1

পরেদি লগেপ্রভুর্‌ উগুমে ইস্রায়েলীয়গুনোর্‌ দল্লো সিন ধূল্যেচর-চাগালাত্তুন যানা আরাম্ভ গুরিনে এক জাগাত্তুন্‌ আর একজাগাত্‌ যাদে যাদে যেরেদি রফীদীমোত্‌ যেইনে তাম্বুল তাঙেলাক্। মাত্তর্‌ সিদু হেবার্‌ পানি ন-এলঅ‌।

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

গণাণা 33:8

তারা পী-হহীরোৎ ছাড়িনে সাগর্‌ পার্ ওইনে এথম ধূল্যেচর-চাগালাত্ যেইনে উদিলাক আর সিয়েন ভিদিরেন্দি তিন দিনোর্‌ পথ যেইনে মারাতত্‌ তাম্বুলান্ ফেলেলাক।

১ শমূয়েল 15:7

শৌলে সেক্কে হবীলা চাগালাত্তুন্‌ মিসরর্‌ পূগেন্দি শূর-ধূল্যেচর-চাগালা সং বেক্‌ অমালেকীয়গুনোরে ওদেই দিলো।

১ শমূয়েল 27:8

সেই সময়ান ভিদিরে তে তার মানুচ্চুনোরে নেযেইনে গশূরীয়, গির্ষীয় আর অমালেকীয়গুনোর দেজত্‌ লুদেবাত্তে যেইয়োন্‌। এ বেক্‌ জাদর্‌ মানুচ্চুনে বোউত্‌ দিন আগে শূরত্তুন্‌ মিসর সং বেক্‌ চাগালানিত্‌ বজত্তি গুরিদাক্।