যাত্রা 15:13 - Chakma Bible

¹³ তর্‌ অমহদ কোচ্‌পানায়্‌ তুই‌ যিগুনোরে ছাড়েই আনিলে তারারে তুয়ই চালেই নেযেবে। তর্‌ নিজোর্‌ বল্লোই‌ তর্‌ পবিত্র ঘরত্‌ তুই তারারে চালেই আনিবে।

যাত্রা 15:13 Iomraidhean Croise

পত্থম 19:16

মাত্তর্‌ লোটে যেম্-যাঙর্ গরা দোজ্যে। কিত্যে লগেপ্রভুর্‌ দোয়্যে তা উগুরে এলঅ বিলিনে সে দ্বিজনে তারা পুরো পরিবারবোরে আদত্‌ ধুরি টানিনে শঅর বারেন্দি আনিলাক্।

২ শমূয়েল 15:25

বেক্‌ মানুচ্চুন নিগিলি যানার পরেন্দি রাজা সাদোকরে কলঅ, “গোজেনর সুন্দুক্কো শঅরত্‌ ফিরেই নেযা। লগেপ্রভু যুনি মরে কোচপানার্‌ চোগেন্দি দেগে সালে তে মরে ফিরেই আনিবো আর এ সুন্দুক্কো আর তার থেবার জাগাগান আরঅ মরে চেবাত্তে দিবো।

নহিমিয় 9:12

তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

গীতসংহিতা 106:9

তার উগুমে লোহিত সাগরান্ শুগেই গেলঅ; তে ধূল্যেচর-চাগালান্দি যাইদ্যে ধোক্ক্যেন গুরি গভিন্ সাগর ভিদিরেন্দি তারারে নেযেল।

গীতসংহিতা 74:2

ইদোত্ তুলি চাহ্ তর্ সেই মানুচ্চুনোর কধানি যিগুনোরে তুই ভালোক্ দিন আগে তঅ মানুচ্ ইজেবে নেযেয়োচ্, যে বংশবোরে তুই তর্ অধিকার ইজেবে উদ্ধোর গুরি আন্যচ্। ইদোত্ তুলি চাহ্ সেই সিয়োন মুড়োবোর কধা যিয়েনরে তুই তর্ থেবার জাগা ইজেবে বানেয়োচ্।

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 78:35

তারার মনত্ পড়িলো গোজেনে তারার আশ্রয়-মুড়ো, দাঙর্ গোজেনে তারার উদ্ধোর্ গুরিয়্যে।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

যাত্রা 15:17

তুয়ই তর্‌ মানেইয়ুনোরে আনিনে চারা ধোক্ক্যেন গুরি লাগেই দিবে তর্‌ নিজোর্‌ মুড়োবোত্‌। ও লগেপ্রভু, তর্‌ নিজোর আত্তোই গোজ্যে সিয়েনই তর্‌ থেবার্‌জাগা; ও প্রভু, তর্‌ নিজো আত্তোই‌ গোজ্যে সিয়েনই‌ সেই সুদ্ধো-সাংগ জাগায়ান্;

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 51:10

তুই কি সাগরর গভীন্ পানিগান শুগেই ন-ফেলাচ্? তুই কি সাগর ভিদিরে পথ ন-বানাচ্ যেনে তর্ উদ্ধোর গোজ্যে মানুচ্চুনে পার্ ওই যেই পারন্?

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

ইফিষীয় 2:4

মাত্তর্ গোজেনে দোয়্যেলোই ভরা; তে আমারে ভারী কোচ্‌পায়।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।