যাত্রা 15:1 - Chakma Bible

¹ ইয়েন পরেদি মোশি আর ইস্রায়েলীয়গুনে লগেপ্রভুর নাঙে এই গীদ্‌‌তো গেলাক্: মুই লগেপ্রভুর নাঙে গীদ্ গেইম্‌, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীর্ দলুনোরে তেয়ই বড়গাঙর্ পানিত্‌ ফেলেই দিলো।

যাত্রা 15:1 Iomraidhean Croise

নহিমিয় 9:11

তুই তারার্‌ মুজুঙোত্‌ সাগরানরে দ্বিভাগ্‌ গোজ্যস্‌, সেনত্তেই তারা শুগুনো ভূইয়ানর্‌ উগুরেন্দি পার্‌ ওই যেইয়োন্‌; মাত্তর্‌ যিগুনে তারারে লোড়েইনে এত্তন্‌ তুই তারার্‌ পানিগানর্‌ গঙার্‌লোই পাত্তর্‌ ফেলাইদে ধোক্ক্যেন্‌ গুরিনে গভীন্‌ পানিত্‌ ফেলে দুয়োজ্‌।

ইয়োব 36:24

তা কামানি নাঙ্ গিনিবাত্যে ভুলি ন-যেবা; গানর মাধ্যমে দঅ মান্‌জ্যে তা কামর্ বাঈনী গোজ্যন্।

গীতসংহিতা 105:43

হুজি আর রঙ্গ-ফুত্তি গীদোর্ সমারে তার বেঈ লোইয়্যে মানুচ্চুনোরে তে নিগিলেই আনিলো।

গীতসংহিতা 106:12

সেক্কে লগেপ্রভুর কধালোই তারা বিশ্বেজ্ গুরিলাক্ আর তার নাঙ্ গিনেদে গীদ্ গেলাক্।

গীতসংহিতা 107:15

মান্‌জ্য ইদু লগেপ্রভুর আমক্ অবার্ কামানিত্তে আহ্ তার অমকদ কোচ্‌পানার কারনে তারা তারে ভালেদি জানাদোক্।

গীতসংহিতা 107:8

মান্‌জ্য উগুরে লগেপ্রভুর আমক্ অবার কামানিত্তে আর তার গভীন্ কোচ্‌পানার কারনে তারা তারে ভালেদি জানাদোক্।

গীতসংহিতা 32:7

তুয়ই মর্ পৌল্যেই থেবার জাগা। তুই মরে দুঘোত্তুন্ রোক্ষ্যে গোজ্যস্। উদ্ধোরর হুজিয়ে-গানে তুয়ই মরে ঘিরি রাগেয়োচ্।

গীতসংহিতা 76:6

ও যাকোবর গোজেন, ঘোড়া আর রথচালেয়্যেগুনে তর্ ধমক হেইনে গভিন ঘুমোত্ ঢুলি পোজ্যন্।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

যাত্রা 14:26

সেক্কে লগেপ্রভু মোশিরে কলঅ‌, “বড়গাঙ উগুরে তর্‌ আত্তান্‌ বাবেই দে। সেক্কে পানিগান্‌ আরঅ‌ ফিরি এইনে মিসরীয়গুনো উগুরে আর তারার্‌ রথ্‌‌তানি আহ্ ঘোড়াবাহিনী উগুরে পড়িবো।”

যাত্রা 14:27

সেক্কে মোশি তাঁর্‌ আত্তান্‌ বড়গাঙ উগুরে বাবেই দিলো। বেন্যেপোত্যে বড়গাঙ পানিগান নিজো জাগাত্‌ ফিরি এলঅ‌। মিসরীয়গুনে সেক্কে ডেনে-বাঙে দাবাদেদি গত্তন্‌, মাত্তর্‌ লগেপ্রভু তারারে বড়গাঙর্ তুবোলে ভাজেই নেযেল।

যাত্রা 15:21

মোশির্‌ গীদ্‌তোর্‌ জোবত্‌ মরিয়মে এই গান্নো গেলঅ; “তুমি লগেপ্রভুর্‌ নাঙে গীদ্ গঅ, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীগুনোর দলুনোরে তেয়ই‌ ফেলেই দিলো বড়গাঙ পানিত্।”

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

গম্ উপদেজ্ 29:6

পাজি মান্‌‌জ্যে নিজোর পাপে ফালত্ পড়ে, মাত্তর্ গোজেন ভক্ত মান্‌‌জ্যে হুজি অন আর গিদ্ গান।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

যিরমিয় 51:21

তরে দিইনে মুই ঘোড়া আর ঘোড়া মাউট্‌‌তোরে চুরমার গোজ্যং;

হোশেয় 2:17

তা মুয়োত্তুন্ মুই বাল দেবেদাগুনোর্ নাঙানি দূর্ গুরি দিম; তে আর বাল দেবেদাগুনোরে ন-ডাগিবো।

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

গণাণা 21:17

সেক্কে ইস্রায়েলীয়গুনে এই গান্নো গেলাক্: “ও কূয়োবো, তুই পানিলোই ভুরি উঠ্‌। তুমি এ কূয়োবো পৌইদ্যেনে গান গরঅ।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!