যাত্রা 14:9 - Chakma Bible

⁹ তার্‌ বেক্‌ ঘোড়াগুন, রথ্‌তানি, ঘোড়াবাহিনীগুন আর সৈন্যদলুন্‌ নেযেইনে মিসরীয়গুনে তারার্‌ পিজেদি লোড়েইনে তারার্ কায়কুরে লুমিলাক্। ইস্রায়েলীয়গুনে এই সময়োত্‌ বড়গাঙর্‌ পারত্‌ বাল্‌-সফোনর মুজুঙেদি পী-হহীরোত ইধু এলাক্।

যাত্রা 14:9 Iomraidhean Croise

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

যাত্রা 14:2

“তুই ইস্রায়েলীয়গুনোরে কঅ যেনে তারা ঘুরি যেইনেই বড়গাঙ্ আর মিগ্‌দোলর্‌ সংমোধ্যে পী-হহীরোৎ নাঙে জাগান ইধু তারার্‌ তাম্বুলান ফেলান্‌। জাগাগান্‌ বড়্‌গাঙ পারত্‌ বাল্‌-সফোনর মুজুঙেদি।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

গণাণা 33:7

এথমান্ ছাড়িনে তারা বাল-সফোনর মুজুঙোত্‌ পী-হহীরোদত্‌ ফিরি এইনে মিগ্‌দোলর ইদু তাম্বুলান ফেলেয়োন।

যিহোশূয় 24:6

তমার পূরোণি মানুচ্চুনে মিসরত্তুন্‌ নিগিলিনে সাগরর্‌ কায় এলাক্‌। ইন্দি মিসরীয়গুনে রথ আর ঘোড়ার সৈন্যদল লোইনে লোহিত সাগর সং তারার্‌ পিজে পিজে লোড়েইনে এলাক্‌।