যাত্রা 14:23 - Chakma Bible

²³ এই বেপারান্‌ দেগিনে মিসরীয়গুনে পিজেন্দিত্তুন্‌ ইস্রায়েলীয়গুনোরে লোড়েলাক্। ফরৌণর বেক্‌ ঘোড়াগুন, রথ্‌‌তানি আর ঘোড়াবাহিনীগুন তারার্‌ পিজে পিজে বড়গাঙ ভিদিরে যেইনে চোমেলাক্।

যাত্রা 14:23 Iomraidhean Croise

১ রাজাবলী 22:20

সেক্কে লগেপ্রভু কলঅ, ‘রামোৎ-গিলিয়দ আক্রমণ গুরিবাত্তে কন্না আহাবরে ভুলেইনে সিদু নেযেব যেনে তে মুরি যায়?’ সেক্কে জনে জনে এক কধা কলাক্‌।

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 15:19

ফরৌণর বেক্‌ ঘোড়াগুন, রথ্‌তানি আর ঘোড়া বাহিনীগুনে যেক্কে বড়গাঙ ভিদিরে চোমেলাক্‌ সেক্কে লগেপ্রভু বড়গাঙর্‌ পানিগান তারা উগুরেদি ফিরেই আনিলো। মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো জাগান উগুরেদি আঢি আঢি যেইয়োন্।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।