যাত্রা 14:22 - Chakma Bible

²² ইস্রায়েলীয়গুনে বড়গাঙর্‌ সংমোধ্যেদি শুগুনো মাদির্‌ পথতান্‌ বেইনে আঢা মারিলাক্। তারার্‌ ডেনে-বাঙেদি বড়গাঙর্‌ পানিগান দেবাল ধোক্ক্যেন ওইনে দ্বিডাগেদি ঠিয়্যেই রলঅ‌।

যাত্রা 14:22 Iomraidhean Croise

২ রাজাবলী 2:14

সে কাবড়ান্দোই তে পানিত্‌ বাজ্জেইনে কলঅ, “ইক্কিনে এলিয়োর্‌ গোজেন লগেপ্রভু কুদু?” তে পানিত্‌ বাজ্জানার্‌ পরেন্দি পানিগান ডেনে-বাঙে দ্বিভাগ ওই গেলঅ, আর তে পার্‌ ওই গেলঅ।

২ রাজাবলী 2:8

এলিয় তা কিয়্যের কাবড়ান্‌ বুদিনে সিয়েন্দোই পানিগান উগুরে বাজ্জেল। সেক্কে পানিগান ডেনে-বাঙে দ্বিভাগ ওই গেলঅ আর তারা দ্বিজনে শুগুনো মাদি উগুরেন্দি পার্ ওই গেলাক্‌।

নহিমিয় 9:11

তুই তারার্‌ মুজুঙোত্‌ সাগরানরে দ্বিভাগ্‌ গোজ্যস্‌, সেনত্তেই তারা শুগুনো ভূইয়ানর্‌ উগুরেন্দি পার্‌ ওই যেইয়োন্‌; মাত্তর্‌ যিগুনে তারারে লোড়েইনে এত্তন্‌ তুই তারার্‌ পানিগানর্‌ গঙার্‌লোই পাত্তর্‌ ফেলাইদে ধোক্ক্যেন্‌ গুরিনে গভীন্‌ পানিত্‌ ফেলে দুয়োজ্‌।

গীতসংহিতা 106:9

তার উগুমে লোহিত সাগরান্ শুগেই গেলঅ; তে ধূল্যেচর-চাগালান্দি যাইদ্যে ধোক্ক্যেন গুরি গভিন্ সাগর ভিদিরেন্দি তারারে নেযেল।

গীতসংহিতা 136:13

তে লোহিত সাগরানরে দ্বিভাগ গোজ্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 136:14

তে ইস্রায়েলীয়গুনোরে সাগর সংমোধ্যেন্দি পার্ গুরি আন্যে; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 66:6

তে দোজ্যে সাগরানরে গোজ্যে শুগুনো জাগা; তারা ঠেঙোই আঢিনে গাঙান্ পার্ ওইয়োন। এজ, আমি দেজ ভিদিরে তারে নিইনে ফুত্তি গুরিই।

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গীতসংহিতা 78:13

তে সাগরান দ্বিভাগ গুরিনে সংমোধ্যেন্দি তারারে নেযেয়্যে; তে পানিগানরে ভিদে ধোক্ক্যেন্ গুরি থিয়্যেই রাগেয়্যে।

যাত্রা 14:29

মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো পথ ধুরিনেই যেয়োন্দোই। তারার্‌ ডেনে-বাঙেদি পানিগান্‌ দেবাল ধোক্ক্যেন ওই ঠিয়্যেই রলঅ‌।

যাত্রা 15:19

ফরৌণর বেক্‌ ঘোড়াগুন, রথ্‌তানি আর ঘোড়া বাহিনীগুনে যেক্কে বড়গাঙ ভিদিরে চোমেলাক্‌ সেক্কে লগেপ্রভু বড়গাঙর্‌ পানিগান তারা উগুরেদি ফিরেই আনিলো। মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো জাগান উগুরেদি আঢি আঢি যেইয়োন্।

যাত্রা 15:8

তর্‌ নিশ্বেজর্ থেলায় পানিগান্ এগত্তর্‌ ওই উদিলো। তুবোল্লোই ভোজ্যে বেক্‌ পানিগান খুদো ধোক্ক্যেন ওইনে ঠিয়্যেই গেলঅ, আর তলা ন-পেইয়্যে পানিগান্‌ জমা অলঅ সাগরর্‌ বুগোত্‌।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 43:16

লগেপ্রভু সাগর ভিদিরেদি পথ বানেয়্যে, সেই গভীন্ সাগর ভিদিরেদি পথ গোজ্যে।

যিশাইয় 51:10

তুই কি সাগরর গভীন্ পানিগান শুগেই ন-ফেলাচ্? তুই কি সাগর ভিদিরে পথ ন-বানাচ্ যেনে তর্ উদ্ধোর গোজ্যে মানুচ্চুনে পার্ ওই যেই পারন্?

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

যিশাইয় 63:13

যিবে বড়্ সাগর ভিদিরেদি তারারে নেযেয়্যে তে কুদু? সেনত্তে ধূল্যেচরত্ বেড়েয়্যে ঘোড়া ধোক্ক্যেন তারা উজোত্ ন-হান্।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

গণাণা 33:8

তারা পী-হহীরোৎ ছাড়িনে সাগর্‌ পার্ ওইনে এথম ধূল্যেচর-চাগালাত্ যেইনে উদিলাক আর সিয়েন ভিদিরেন্দি তিন দিনোর্‌ পথ যেইনে মারাতত্‌ তাম্বুলান্ ফেলেলাক।

১ করিন্হীয় 10:1

ভেইলগ্, মুই চাং যেন তুমি কোই পারঅ, আমা পুরোণি মানুচ্চুনে বেক্কুনে সেই মেঘ ছাবাত্ এলাক্ আর বেক্কুনে লোহিত সাগর ভিদিরেন্দি যেয়োন্।

ইব্রীয় 11:29

বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 4:22

সেক্কে তুমি তারারে ক‌বাদে, ‘ইস্রায়েলীয়গুনে শুগুনো মাদি উগুরেদি আদিনে এ যর্দন গাঙান্‌ পার্‌ ওই যেইয়োন।’

১ শমূয়েল 25:16

আমি যেদকদিন সং তারা ইদু ভেড়া চোড়েইয়্যেই সেদকদিন সং দিন রেত তারা আমার চেরোকিত্তে রোক্ষ্যে দেবাল ধোক্ক্যেন্‌ এলাক্।