যাত্রা 14:2 - Chakma Bible

² “তুই ইস্রায়েলীয়গুনোরে কঅ যেনে তারা ঘুরি যেইনেই বড়গাঙ্ আর মিগ্‌দোলর্‌ সংমোধ্যে পী-হহীরোৎ নাঙে জাগান ইধু তারার্‌ তাম্বুলান ফেলান্‌। জাগাগান্‌ বড়্‌গাঙ পারত্‌ বাল্‌-সফোনর মুজুঙেদি।

যাত্রা 14:2 Iomraidhean Croise

যাত্রা 14:1

পরেদি লগেপ্রভু মোশিরে কলঅ,

যাত্রা 14:3

ইয়েন্‌ দেগিনেই ফরৌণে মনে গুরিবো ইস্রায়েলীয়গুনে কি গুরিবাক্‌ সিয়েন্‌ ঠিগ গুরি ন-পারিনেই দেজ ভিদিরে ঘুরোঘুরি গর্‌তে গর্‌তে ধূল্যেচর চাগালাত্‌‌ আক্‌সোই যেইয়োন্।

যাত্রা 14:9

তার্‌ বেক্‌ ঘোড়াগুন, রথ্‌তানি, ঘোড়াবাহিনীগুন আর সৈন্যদলুন্‌ নেযেইনে মিসরীয়গুনে তারার্‌ পিজেদি লোড়েইনে তারার্ কায়কুরে লুমিলাক্। ইস্রায়েলীয়গুনে এই সময়োত্‌ বড়গাঙর্‌ পারত্‌ বাল্‌-সফোনর মুজুঙেদি পী-হহীরোত ইধু এলাক্।

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিহিষ্কেল 29:10

সেনত্তে মুই তর্ আর তঅ গাঙানর্ বেক পানিগান বিরুদ্ধে। মুই মিগ্‌দোলত্তুন্ সিবেনী, অত্তাৎ কূশের দুযি সং মিসর দেজ্‌‌‌চানরে মানুচ্ নেইয়্যে আর ভস্তর্ জাগা গুরি দিম।

যিহোশূয় 24:6

তমার পূরোণি মানুচ্চুনে মিসরত্তুন্‌ নিগিলিনে সাগরর্‌ কায় এলাক্‌। ইন্দি মিসরীয়গুনে রথ আর ঘোড়ার সৈন্যদল লোইনে লোহিত সাগর সং তারার্‌ পিজে পিজে লোড়েইনে এলাক্‌।