যাত্রা 14:13 - Chakma Bible

¹³ মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 14:13 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

২ রাজাবলী 6:16

জোবত্‌ ভাববাদীবো কলঅ, “ন-দোরেচ্‌। যিগুনে আমা লগে আগন্‌ তারা সিগুনোত্তুন্‌অ জনেদি বেশ্‌।”

১ বংশধর 11:14

মাত্তর্‌ সে তিন্নো বীরে ক্ষেদ সংমোধ্যে যেইনে থিয়্যেলাক্‌। তারা সে ক্ষেত্‌তান রোক্ষ্যে গুরিলাক্‌ আর পলেষ্টীয়গুনোরে শেজ্‌ গুরি দিলাক্‌। সেদিন্যে লগেপ্রভু তারারে রোক্ষ্যে গুরিলো আর জিদেই দিলো।

২ বংশধর 20:15

যহসীয়েলে কলঅ, “ও রাজা যিহোশাফট আর তুমি যিগুনে যিহূদা আর যিরূশালেমত্‌ বজত্তি গরর্‌, বেক্কুনে শুনো। লগেপ্রভু তমা ইদু এ কধাগান কোইয়্যেদে, ‘এ দাঙর্‌ সৈন্যদল্লোরে দেগিনে তুমি ন-দোরেয়ো বা নিরাজ্ ন-ওইয়ো। এ যুদ্ধোগান্‌ গোজনর, তমার নয়।

২ বংশধর 20:17

এ যুদ্ধোগান্‌ তমাত্তুন্‌ গরা ন-পুরিবো। ও যিহূদা আর যিরূশালেম মানুচ্চুন্‌, তুমি সুর্‌ গুরিনে থিয়্যেইয়ো আর লগেপ্রভু তমারে কেধোক্ক্যেন গুরিনে উদ্ধোর্‌ গরে সিয়েন্‌ চেইয়ো। তুমি ন-দোরেয়ো, চিদে ন-গোজ্য। তুমি কেল্যে যেইনে তারাল্লোই মুয়োমি অবা আর লগেপ্রভু তমা লগে থেবঅ।’ ”

নহিমিয় 9:9

মিসর দেজত্‌ আমা পূরোণিমানুচ্চুনোর্‌ দুখ্‌কানি তুই দেখ্যস্‌; লোহিত সাগরর্‌ পারত্‌ তারার্‌ কানানিগানি তুই শুন্যস্‌।

গীতসংহিতা 3:8

উদ্ধোর্ গরানা লগেপ্রভুর্ কাম। তঅ নিজো মানুচ্চুনো উগুরে তঅ আশিদ্‌বাদ্‌তান লামি এজোক্।

গীতসংহিতা 68:21

গোজেনে ঘেচ্চেক্‌গুরি তার শত্রুগুনোর মাদাগুন নিগুজ্ গুরি দিবো; যিগুনে পাপ পদথ্ থান সিগুন চুল্লোই ভরা মাদাগুন্ তে গুরি গুরি দিবো।

গীতসংহিতা 78:53

তে তারারে গমেডালে আনিলো, তারার কনঅ দর্‌বুক ন-লাগিলো; মাত্তর্ সাগরানে তারার শত্রুগুনোরে গিলি ফেলেল।

গীতসংহিতা 91:8

পাজি মানুচ্চুনে কেজান্ পাওনা পান তুই বানা সিয়েন চোগেন্দি দেগিবে।

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

যিশাইয় 26:3

যিবের্ মনান্ তঅ উগুরে থির্ আঘে তারে তুই পুরো সুগে-শান্দিয়্যে রাগেবে, কিত্তে তে তঅ উগুরে বিশ্বেজ্ গরে।

যিশাইয় 30:15

প্রভু লগেপ্রভু, ইস্রায়েলর্ সেই পবিত্র মানুচ্চো এ কধাগান কোইয়্যে, “পাপত্তুন্ ফিরিনে শান্ত অলে তুমি উদ্ধোর্ পেবা, আর গমেডালে বিশ্বেজ্ গুরিলে বল্ পেবা।” মাত্তর্ তুমি সিয়েনত্ রাজি ন-অলা।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিরমিয় 3:23

ঘেচ্চেকগুরি মুড়ো-মুড়িগুনো উগুরে পূজোর রঅ রঅ ছঅ ছঅ ছলনা বাদে আর কিচ্চু নয়। ঘেচ্চেকগুরি আমা গোজেন লগেপ্রভুর ভিদিরে আগেদে ইস্রায়েলর উদ্ধোর্।

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

হোশেয় 13:9

ও ইস্রায়েল, তুই মর্ বিপক্ষে, অত্তাৎ তর্ সাহায্যগুরিয়্যের্ বিপক্ষে আগচ্ বিলি মুই তরে ভস্ত গুরিম।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

হবক্‌‌‌‌কূক 3:8

ও লগেপ্রভু, গাঙানি উগুরে কি তুই বেজার্ ওইয়োচ্? তঅ রাগ্‌কান কি গাঙানি উগুরে পোজ্যে? তুই কি সাগর উগুরে অমকদ কাঙেলেত্যে ওইয়োচ্? সেনত্তে কি তুই তর্ ঘোড়াগুনোত্ আর তর্ জিদি যেইয়্যে রথ্‌তানিত্ চড়ি বেড়র্?

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

মথি লেখ্যে গম্ হবর্ 28:5

স্বর্গদূত্তো মিলেগুন্দোই কধা কলঅ, তে কলঅ, “তুমি ন-দোরেয়ো, কিয়া মুই হবর্ পাং, যিবেরে ক্রুশোত্ দিয়্যে ওইয়্যে তুমি সেই যীশুরে তগর্।

১ শমূয়েল 11:13

মাত্তর্‌ শৌল কলদে, “এচ্চ্যে কাররে মারে ফেলানা ন-চলিবো, কিত্যে এচ্চ্যের দিন্নোত্‌ লগেপ্রভু ইস্রায়েলীয়গুনোরে উদ্ধোর গোজ্যে।”

১ শমূয়েল 12:16

“এবেরা তুমি যুক্কোল অ; লগেপ্রভু তমার চোগো মুজুঙোত্‌ যে মহৎ কাম্‌ গুরিবো সিয়েনি চঅ।