যাত্রা 13:21 - Chakma Bible

²¹ লগেপ্রভু তারারে পথ দেগেইনে নেযেবাত্তে দিনো লক্কে মেঘঅ আন্দল ভিদিরেদি আর রেদো লক্কে পহ্‌র্‌ দিবাত্যেই আগুনো আন্দল ভিদিরেদি থেইনে তারার্‌ আগে আগে যেদঅ‌। সেক্কে তারা দিনোত্‌ আর রেদোত্‌ সব সময়োত্‌ যেই পারিদাক্‌।

যাত্রা 13:21 Iomraidhean Croise

নহিমিয় 9:12

তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

গীতসংহিতা 105:39

তারারে ন-দেগিবাত্তে তে তার সেই মেঘ্‌কান মিলি দিলো, আর রেদোত্ পহ্‌র্ দিবাত্তে আগুন দিলো।

গীতসংহিতা 68:7

ও গোজেন, তুই যেক্কেনে ধূল্যেচর-চাগালান্দি তঅ মানুচ্চুনোর আগে আগে যেইয়োচ্,

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 78:14

দিনোত্ মেঘ দিইনে আর পুরো রেত্তো আগুনো পহ্‌র্‌লোই তে তারারে পথ দেগেয়্যে।

গীতসংহিতা 99:7

তে মেঘ চাগত্তুন্ তারা সমারে কধা কদঅ; তারা তার কধানি আর তার দিয়্যে উগুমানি পালেদাক্।

যাত্রা 10:10

সেক্কে ফরৌণে তারারে কলঅ, “যুদি কনঅ দিন্অ মুই ঝি-পূয়োগুন সুমুত্তো তমারে যেবাত্তে দুয়োং সালে তমার্‌ সে লগেপ্রভুবোয়ো যেনে তমা সমারে থায়্‌। উজিয়ার্‌! তমা উদ্দেশ্যগান্ গম্‌ নয়।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

গণাণা 10:34

তাম্বুলান তুলিনে আদা মারিবার্‌ পরেদি দিনো লক্কে লগেপ্রভুর মেঘ্‌কান ইস্রায়েলীয়গুনো উগুরে থেদঅ।

গণাণা 14:14

সেই কধাগান্‌ সেক্কে মিসরীয়োগুনে এই দেজর্‌ মানুচ্চুনোরেয়ো কবাক্। ও লগেপ্রভু, এ ভিদিরে এ দেজর্‌ মানুচ্চুনে শুন্যন্দে, তুই ইস্রায়েলীয়গুনো সমারে আগচ্‌, আর ও লগেপ্রভু, তরে অমহদ কায়-কুরেত্তুন্‌ দেগা যায়। তারা শুন্যন্দে, তর্‌ মেক্কান্‌ ইগুনো উগুরে আঘে আর দিনোত্ তুই মেঘ আন্দলে আর রেদোত্ আগুনো আন্দল ভিদিরেত্তুন্‌ ইগুনোর্‌ আগে আগে আদচ্‌।

দ্বি’লম্বর বিররণ 1:33

তেয়ই দঅ তাম্বুলান ফেলেবার্‌ জাগায়ান ঠিগ্ গুরিবাত্তে আর পথ দেগেইনে তমারে নেযেবাত্তে রেদোত্‌ আগুনো ভিদিরেন্দি আর দিনোত্‌ মেঘ ভিদিরেন্দি যেবার পদথ্ তমার্‌ আগে আগে যেইয়্যে।

দ্বি’লম্বর বিররণ 31:8

লগেপ্রভু নিজে তমার আগে আগে যেবঅ আর তমা সমারে থেবঅ। তে কনদিনঅ তরে ছাড়িনে ন-যেবঅ বা বাদ ন-দিবো। তুই ন-দোরেচ্‌, মনবল ন-আরেচ্‌।”