যাত্রা 13:15 - Chakma Bible

¹⁵ ফরৌণে একগেয়েমি গুরি যেক্কে আমারে এবাত্তে ন-দের্‌ সেক্কে লগেপ্রভু মিসর দেজর্‌ মানেই আর য়েমানর্‌ পত্তি পত্তম মরদ পূয়োবোরে মারে ফেলেয়্যে। সেনত্তে মুই মর্‌ য়েমানুনোর্‌ পত্তি পত্তম চেলা ছঅবোরে লগেপ্রভুর্‌ নাঙে উৎসর্ব গরঙর্‌ আর মর্‌ পত্তম পূয়োবোরে ছাড়েই নেযাঙর্।

যাত্রা 13:15 Iomraidhean Croise

গীতসংহিতা 105:36

সে পরেন্দি তে মিসরীয়গুনোর গাবুজ্যে বলর্ পত্তম ফল, অত্তাৎ দেজর্ বেগ পৌল্যে পুয়োবোরে আঘাত গুরিলো।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 3:19

মুই হবর্‌ পাং দরমর আদত্‌ পুড়িলেয়ো মিসর রাজাবো তমারে যেবাত্তে ন-দিবো।

যাত্রা 34:20

মাত্তর্‌ গাধার্‌ পত্তম চেলা ছবোর্‌ বদলে এক্কো ভেড়াছাগল ছঅ‌ দিইনে গাধা ছবোরে ছাড়েই নেযেবা। সেই ছবোরে যুনি ছাড়েই নেযা ন-যায়্‌ সালে তার্‌ গত্তনাবো ভাঙি দিয়্যে পুরিবো। তমার পত্তি পত্তম পূঅবোরেয়ো ছাড়েই নেযা পুরিবো। “পরবর্‌ অক্তত্‌ কনজনে যেনে খালি আত্তোই মইদু ন-এজন্।”

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

গণাণা 18:15

লগেপ্রভু ইদু ইস্রায়েলীয়গুনোর উৎসর্ব গোজ্যে পত্তিঘরর পত্তম মরদ পূঅবো তর্‌ অবঅ-তে মান্‌জ্যর ওক্‌ বা য়েমানর ওক্‌। মান্‌জ্যর পত্তম মরদ পূঅবোরে তুই হামাক্কায় উদ্ধোর্ গুরিবে আর অসিজি য়েমানর পত্তম চেলা ছঅবোরেয়ো তুই উদ্ধোর্ গুরিবে।

গণাণা 3:46

লেবীয়গুনোর বেক সোংখ্যেত্তুন্‌ ইস্রায়েলীয়গুনোর্‌ পত্তম মরদ্‌ পূঅগুনোর্‌ সোংখ্যে দিশঅ তেয়োত্তুর্‌ জন বেশ্‌ বিলি তারার্‌ বেক্কুনোরে ছাড়েই নিবাত্তে তুই জন পত্তি দশ গ্রাম ওজনর্ ধর্মীয় শেখেলর পাচ্ শেখেল গুরি রূবো আদায় গুরিবে।