যাত্রা 12:9 - Chakma Bible

⁹ সেই এরানি তুমি কাজা বা উজিনে ন-হেবা, মাত্তর্‌ মাদাবো, টেঙানি আর ভিদিরে জিনিস্‌চানি আগুনোত্‌ সিগিনে হেবা।

যাত্রা 12:9 Iomraidhean Croise

২ বংশধর 35:13

সুদোম্‌ মজিম্ তারা উদ্ধোর্‌-পরবর্‌ এ্যামানুন্‌ আগুনোত্‌ পুরিলাক্‌ আর উৎসর্বর য়েরানি ডেক্‌সিলোই, কোড়েয়্যেলোই আর পিলেলোই উজিলাক্‌ আর যাদিমাদি গুরিনে মানুচ্চুনোরে হেবাত্তে দিলাক্‌।

যাত্রা 12:8

সেই রেদোত্ তারা সেই এরানি আগুনোত্‌ সিগিনে সদানেইয়্যে পিদে আর তিদে শাগ লগে হেবাক্।

যাত্রা 29:13

সে পরেদি পেদঅ ভিদিরে ভাগর্ উগুরেত্তুন্‌ তেলানি, পেদঅ দামর্‌ উগুরে ভাগ্‌‌কানি আর তেল্‌সহ কিডনী দ্বিবে নেযেইনে ডালিপূজোবো উগুরে পুড়ি ফেলেবে।

যাত্রা 29:17

পরেদি ভেড়াছাগল্লো কাবিনে কট্টা কট্টা গুরি সিবের্‌ টেঙানি আর পেদ ভিদিরে জিনিসছানি ধোয় নেযেইনে মাদাবো আর অন্য ভাগ্‌‌কানি সমারে রাগেবে।

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

লেবীয় 1:9

উৎসর্ব গুরিয়েবো সিবের্‌ টেঙান্‌ আর পেদ ভিদিরে বেক্কানি পানিলোই‌ ধোই দিবো আর ধর্মগুরুবো সিয়েনি সুদ্ধো পুরো গোরুবো পূজোবো উগুরে পুড়ি ফেলেব। ইবে পুজ্যে-উৎসর্ব, আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

দ্বি’লম্বর বিররণ 16:7

তমার গোজেন লগেপ্রভু যে জাগায়ান বেঈ নেযেব সিয়োদোই তুমি সে য়েরাগান রানিনে হেবা। তার কেল্যে বেন্যে মাদান্ তুমি তমার ঘরত্‌ ফিরি যেবা।