যাত্রা 12:26 - Chakma Bible

²⁶ তমা পূয়ো-ঝিগুনে যেক্কে তমারে পুযোর্‌ গুরিবাক্, ‘এই অনুষ্ঠানানর্ অত্তগান্‌ কি?’

যাত্রা 12:26 Iomraidhean Croise

গীতসংহিতা 145:4

এক বংশর্ মানুচ্ সে পরেদি বংশর্ মানুচ্চুনো ইদু তঅ কামানির গুণগান গুরিবাক্; তারা তর্ খেমতাবলা কাম কধানি ফগদাং গুরিবাক্।

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

যাত্রা 12:25

লগেপ্রভু যে দেজ্‌চান্‌ দিবাত্তে শমক্‌ গোজ্যে সে দেজ্‌চানত্‌ গেলেয়ো তুমি এ অনুষ্ঠানান্‌ পালেবা।

যাত্রা 13:22

দিনোত্ মেঘর্‌ আন্দলে আর রেদোত্ আগুনোর্‌ আন্দলে সব সময় মানেইয়ুনোর মুজুঙোত্‌ থেদঅ‌।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

ইফিষীয় 6:4

তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

দ্বি’লম্বর বিররণ 11:19

তমা ঝি-পূঅগুনোরে সিয়েনি শিগেবা। ঘরত্‌ বোই থেবার অক্তত্‌, পদেন্দি আদিবার্‌ অক্তত্‌, ঘুম্‌ যেবার অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি ইয়ানি পৌইদ্যেনে কধাবাত্তা কবা।

দ্বি’লম্বর বিররণ 32:7

সেই পুরোণি দিনুনোর কধানি মনত্‌ গর্‌; তমার ভালোক্‌ দিন আগর্ পুরোণি মানুচ্চুনোর কধানি ভাবি চঅ। সেই বেক্‌ দিনুনোর কধানি তমার বাপ্পোনোত্তুন পুজোর গরঅ, তারা তমারে কবাক্; বুড়ো মানুচ্চুনোরে পুযোর্‌ গরঅ, তারা তমারে বুঝেইনে কবাক্।

দ্বি’লম্বর বিররণ 6:20

আগামিদি যেক্কে তমা পূঅগুনে তমারে পুযোর্‌ গুরিবাক্‌, আমার গোজেন লগেপ্রভু যেদক্কানি উঝিয়ারর্‌ কধা, সুদোম আর উগুম্‌ তমারে দিয়্যে সিয়েনির্‌ ভেদ্‌তান্ কি?

দ্বি’লম্বর বিররণ 6:7

তমার ঝি-পূঅগুনোরে তুমি বার্‌ বার্‌ সিয়েনি শিগেবা। ঘরত্‌ বৈ থেবার্‌ অক্তত্‌, পধন্দি যেবার্‌ অক্তত্‌, ঘুমেবার্‌ অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি এ বেপারানিলোই তেম্মাং গুরিবা।