যাত্রা 12:22 - Chakma Bible

²² সে পরেদি এসোব ঝুবোত্তুন্‌ এক কট্টা ডেলা নেযেইনে কদরাত্‌ রাগেয়্যে লোগানত্‌ ভুরেইনে সে লোগান্‌ দোরান তক্তার্‌ দ্বিদাগেদি আর উগুরেদি তক্তাত্‌ লিবি দিবা; আর বেন্যে পহর্‌ ন-অনা সং কনজনে ঘর বারেদি ন-যেবা।

যাত্রা 12:22 Iomraidhean Croise

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

যাত্রা 12:7

সে পরেদি যেদক্কানি ঘরত্‌ তারা সেই ভেড়া ছাগল এরানি হেবাক্‌ সে বেক্‌ ঘরানির দোরান তক্তানির্‌ দ্বিদাগেদি আর উগুরেদি কিজু লো নেযেইনে লিবি দিবাক্।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

গণাণা 19:18

সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

মথি লেখ্যে গম্ হবর্ 26:30

পরেদি তারা এক্কো গীদ্ গেই গেই নিগিলিনে জৈতুন্ মুড়োবোত্ গেলাক্।

ইব্রীয় 11:28

তে বিশ্বেজ্ গুরিনে উদ্ধোর্-পরব্ আর লো ছিদিবার সুদোমান পালন গোজ্জ্যে, যেনে যে ভস্ত গুরিয়্যে স্বর্গদূত্‌তো পত্তম পুয়োগুনোরে মারে ফেলেব তে ইস্রায়েলীয়গুনোরে ন-ধরে।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 9:1

গোজেনর্ সেবা আর উবোসনাত্যে পত্তম বেবস্থাগানত্ কদক্কানি সুদোম দিয়্যে ওইয়্যে আর এ জগদত্ উবোসনাত্যে বিশেষ এক্কান জাগার্ কধায়ো সিয়েনত্ এলঅ।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:19

বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।

যিহোশূয় 2:19

সেক্কে যুনি কনজনে তমা ঘরত্তুন নিগিলিনে পদথ্‌ যান্‌ সালে তে নিজেই তার মরানাত্তে দায়ী থেবঅ। আমি তাত্তেই দায়ী ন-অবং। মাত্তর্ যিগুনে তঅ‌ লগে এ ঘরঅ‌ ভিদিরে থেবাক্‌ তারা কারঅ‌ উগুরে যুনি আঢ্ বাজা অয় সালে তার্‌ মরাণাত্তে আমি দায়ী থেবং।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।