যাত্রা 12:19 - Chakma Bible

¹⁹ এই সাত দিন সং তমা ঘরত্‌ যেন কনঅ সদা ন-থায়। যুদি কনজনে সদা-মিজেয়্যে কনকিজু খায়, সালে তারে ইস্রায়েলীয় সমাজত্তুন্‌ বাদ্‌ দিয়া পড়িবো, তে তমা জাদর্‌ মানুচ্ ওক্ বা অন্য জাদর্‌ মানুচ্ ওক্।

যাত্রা 12:19 Iomraidhean Croise

যাত্রা 12:15

“তুমি সাত দিন সং সদানেইয়্যে পিদে হেবা। তমা ঘরত্‌ যেদক্কানি সদা আঘে পত্তম দিনোত্‌ তুমি সিয়েনি বেক্কানি সোরেই ফেলেবা। এ সাত দিনো ভিদিরে যুদি কনজনে সদা দিয়্যে পিদে খায় সালে তারে ইস্রায়েলীয়গুনো ভিদিরেত্তুন্ বাদ দিয়া অবঅ।

যাত্রা 12:20

তুমি যিয়োদ থেদা সাৎ এ সাত্‌ দিন সং তুমি সদা মিজেয়ে কনঅ কিজু ন-হেবা; পিদেয়ো হেবাদে সদা ন-মিজেইয়্যে।”

যাত্রা 12:43

পরেদি লগেপ্রভু মোশি আর হারোণরে কলঅ‌, উদ্ধোর্‌-পরবর্‌ ভেড়া ছাগলর ছঅবো পৌইদ্যেনে কদক্কানি সুদোম্‌ মুই তমারে দুয়োঙর্। অন্য কনঅ‌ জাদর্‌ মানেই এই এরাগান্‌ হেই ন-পারিবাক্‌।

যাত্রা 12:48

তোমা ভিদিরে বজত্তি গোজ্যে অন্য জাদর্‌ কনঅ‌ মানেই যুদি লগেপ্রভুর্‌ নাঙে এই উদ্ধোর্‌-পরপ্‌বো পালন্‌ গুরিবাত্তে চান্‌ সালে আগে তার্‌ পরিবারর্‌ বেক্‌ মরদ পূয়োগুনোত্তুন্ চুনুগুলোর মাদাগুন্ তনা গরা পড়িবো। সে পরেদি তে ইস্রায়েলীয়গুনো ধোক্ক্যেন সিয়েনি পালন্‌ গুরি পারিবো। মাত্তর্‌ চুনুগুলোবো তনা গরা ন-অয়্‌ এধোক্ক্যেন কনঅ‌ মানেই এই পরবর্‌ এরানি হেই‌ ন-পারিবাক্।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 13:7

এই সাত দিন সং তমার্‌ হেবাত্তে সদা ন মিজেইয়্যে রুটি অবঅ‌। তমার পুরো দেজ ভিদিরে সেদিন্যে যেনে সদা আর সদামিজেইয়্যে কনকিজু পাহ্ ন-যায়।

যাত্রা 23:15

তুমি সদাছাড়া পিদের্‌ পরব্‌ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ ইবে পালেবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চ্য। কনজনে যেনে সেক্কে সুদো আত্তোই‌ মইদু ন-এজন্‌।

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

যাত্রা 34:18

তুমি সদাছাড়া পিদের্‌ পরপ্পো পালেবা। মুই তমারে যেধোক্ক্যেন উগুম্‌ দুয়োং সেধোক্ক্যেন গুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ তুমি এই পরপ্পো পালন্‌ গুরিবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চো।

লেবীয় 23:5

বজরর্‌ পত্তম মাজর্‌ চৌদ্দো তারিগোত্‌ সাজোন্যে অক্তত্‌ লগেপ্রভুর্ নাঙে উদ্ধোর্‌-পরব্‌ আরাম্ভ অবঅ।

গণাণা 9:13

মাত্তর্‌ ফি-বলা নয় বা যাত্রা পদথঅ নয় এধোক্কেন কনঅ মান্‌জ্যে যুনি উদ্ধোর অনার-পরপ্পো পালন্‌ ন-গরে, সালে তে ঠিগ্ সময়োত্‌ লগেপ্রভুর নাঙে উৎসর্ব ন-গরে বিলি তারে তার্‌ জাদ ভিদিরেত্তুন্‌ বাদ দিয়া পুরিবো। তাত্তুন্‌ তার্‌ পাপর ফল ভোগ্‌ গরাই পুরিবো।

দ্বি’লম্বর বিররণ 16:3

সে য়েমানর য়েরাগান তুমি সদা দিয়্যে পিদেলোই ন হেবা। সাত দিন সং তমাত্তুন্‌ দুখ্‌-কট্টগানি ইদোত্‌ তুলিনে সদাছাড়া পিদে হা পুরিবো, কিত্যে দরে যাদিমাদি গুরিনে তুমি মিসর দেজ্‌ছান ছাড়িনে এই যেয়োগোই। ইয়েন্দোই মিসর দেজত্তুন নিগিলি এজানার কধাগান তমাত্তুন সারা জীংকানিবর্‌ মনত্‌ থেবঅ।