যাত্রা 12:15 - Chakma Bible

¹⁵ “তুমি সাত দিন সং সদানেইয়্যে পিদে হেবা। তমা ঘরত্‌ যেদক্কানি সদা আঘে পত্তম দিনোত্‌ তুমি সিয়েনি বেক্কানি সোরেই ফেলেবা। এ সাত দিনো ভিদিরে যুদি কনজনে সদা দিয়্যে পিদে খায় সালে তারে ইস্রায়েলীয়গুনো ভিদিরেত্তুন্ বাদ দিয়া অবঅ।

যাত্রা 12:15 Iomraidhean Croise

পত্থম 17:14

যে মানুচ্চোর চুনুগুলোবোর্ মুজুঙেদি চামান্‌ কাবা নয় তারে তা জাদঅ ভিদিরেত্তুন্‌ তুলি দিয়া পড়িবো, কিত্তে তে মর্‌ সুদোমান অমান্য গোজ্যে।”

২ বংশধর 30:21

যিদুক্কুন্‌ ইস্রায়েলীয় যিরূশালেমত্‌ লুম্মোন্দি তারা অমকদ রঙ্গ-ফুত্তি গুরিনে সাত দিন সং সদানেইয়্যে রুটির পরব্‌পো পালেলাক্‌; আর ইন্দি লেবীয় আর ধর্মগুরুগুনে পত্তিদিন লগেপ্রভুর নাঙে বাজানা বাজেইনে নাঙ্ গিনেদে-গান গরা ধুরিলাক্‌।

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

যাত্রা 12:8

সেই রেদোত্ তারা সেই এরানি আগুনোত্‌ সিগিনে সদানেইয়্যে পিদে আর তিদে শাগ লগে হেবাক্।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 23:15

তুমি সদাছাড়া পিদের্‌ পরব্‌ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ ইবে পালেবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চ্য। কনজনে যেনে সেক্কে সুদো আত্তোই‌ মইদু ন-এজন্‌।

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

যাত্রা 30:38

তুম্বাজ জিনিস ইজেবে বেবহারত্তে যুনি কনজনে সিয়েন্‌ বানান্‌ সালে তারে তার্‌ জাদ ভিদিরেত্তুন্‌ বাদ দিয়্যে পুরিবো।”

যাত্রা 31:14

“তুমি জিরেবার্‌ দিন্নো পালন গুরিবা, কিত্তে এদিন্নো তমাত্তে মর্‌ নাঙে ফারক্‌ গুরি রাগা ওইয়্যে। যুনি কনজনে এদিন্নো পালন্‌ ন-গরন্‌ সালে তারে মারে ফেলা পুরিবো; যুনি কনজনে এই দিন্নোত্‌ কনঅ‌ কাম্‌ গরন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

যাত্রা 34:18

তুমি সদাছাড়া পিদের্‌ পরপ্পো পালেবা। মুই তমারে যেধোক্ক্যেন উগুম্‌ দুয়োং সেধোক্ক্যেন গুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ তুমি এই পরপ্পো পালন্‌ গুরিবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চো।

যাত্রা 34:25

“যেক্কে তুমি মর্‌ নাঙে য়েমানর্ লো উৎসর্ব গুরিবা সেক্কে সিয়েনর্‌ লগে যেন সদা দিয়্যে কনঅ‌ কিজু উৎসর্ব গরা ন-অয়। উদ্ধোর-পরবর্‌ উৎসর্ব-গোজ্যে কনঅ‌ কিজু বেন্যেমাদান্ সং যেনে পড়ি ন-থায়্‌।”

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 17:14

কিত্তে বেক্‌ পরাণবলাগুনোর্‌ পরান্‌ আঘে তারার্‌ জেদা কিয়্যেগানর্‌ লো-গান্দোই। সেনত্তে মুই ইস্রায়েলীয়গুনোরে কঙর্‌ যেন তারা কনঅ প্রাণীর্‌ লো-ন খান, কিত্তে লো-গান অলঅ বেক্‌ পরাণবলাগুনোর্‌ পরান্‌। যে সেই লো-গান্‌ খেব তারে তার্‌ জাদর্‌ ভিদিরেত্তুন্‌ উদেই দিয়া পুরিবো।

মালাখি 2:12

যিগুনে এবাবোত্যে কাম্ গরন তারা যুনিয়ো বা বেগত্তুন্ খেমতাবলা লগেপ্রভুর নাঙে উৎসর্বর জিনিস্‌ আনন্ তো লগেপ্রভু যাকোব বংশ ভিদিরেত্তুন্ তারারে বেক্কুনোরে শেষ্ গুরি দিবো। ‌‌‌

গণাণা 28:17

সেই মাজর্ পন্দর তারিগোত্‌ এক্কো উৎসব গরা পুরিবো। সেক্কে সাত্‌ দিন ধুরিনে সদাছাড়া পিদে খাহ্ পুরিবো।

গণাণা 9:13

মাত্তর্‌ ফি-বলা নয় বা যাত্রা পদথঅ নয় এধোক্কেন কনঅ মান্‌জ্যে যুনি উদ্ধোর অনার-পরপ্পো পালন্‌ ন-গরে, সালে তে ঠিগ্ সময়োত্‌ লগেপ্রভুর নাঙে উৎসর্ব ন-গরে বিলি তারে তার্‌ জাদ ভিদিরেত্তুন্‌ বাদ দিয়া পুরিবো। তাত্তুন্‌ তার্‌ পাপর ফল ভোগ্‌ গরাই পুরিবো।

মথি লেখ্যে গম্ হবর্ 16:12

সেক্কে শিচ্চ্যগুনে বুঝি পারিলাক্, তে রুটির সদাগানত্তুন্ তারারে উজিয়ার্ অবাত্তে ন-কয়, মাত্তর্ ফরীশী আর সদ্দূকীগুনোর শিক্ষ্যেত্তুন্ উজিয়ার্ অবাত্তে কোইয়্যে।

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 2:43

পরবর্ শেজদি তারা যেক্কে ঘরত্ ফিত্তোন্ সেক্কে যীশু যিরূশালেমত্ রোই গেলঅ। মাত্তর্ তা মা-বাবে সে কধাগান হবর্ ন-পেদাক্।

প্রেরিত্‌ 12:3

যেক্কে তে দেগিলো যিহূদীগুনে সিয়েন্দোই হুজী ওইয়োন্ সেক্কে তে পিতররেয়ো ধুরিবাত্যে গেলঅ। এ ঘটনাগান সদানেইয়্যে রুটি পরবর্ সময়োত্ ওইয়্যে।

গালাতীয় 5:12

যিগুনে তমারে যাগুলুগোত্ ফেল্ল্যন, মুই চাং তারা যেন নিজোরে এক্কুবারে ফারগ্ গুরি ফেলান্।

দ্বি’লম্বর বিররণ 16:3

সে য়েমানর য়েরাগান তুমি সদা দিয়্যে পিদেলোই ন হেবা। সাত দিন সং তমাত্তুন্‌ দুখ্‌-কট্টগানি ইদোত্‌ তুলিনে সদাছাড়া পিদে হা পুরিবো, কিত্যে দরে যাদিমাদি গুরিনে তুমি মিসর দেজ্‌ছান ছাড়িনে এই যেয়োগোই। ইয়েন্দোই মিসর দেজত্তুন নিগিলি এজানার কধাগান তমাত্তুন সারা জীংকানিবর্‌ মনত্‌ থেবঅ।

দ্বি’লম্বর বিররণ 16:5

তমা গোজেন লগেপ্রভুর দিয়্যে আর কনঅ শঅরত্‌ তুমি উদ্ধোর-পরবর্‌ য়েমানুন উৎসর্ব ন গুরিবা;

দ্বি’লম্বর বিররণ 16:8

ছয়দিন সং তুমি সদাছাড়া পিদে হেবা আর সাত দিনোত্‌ তুমি তমার গোজেন লগেপ্রভুর নাঙে শেজ দিন্নোত্‌ মিলিবার-তেম্মাং গুরিবা আর সেদিন্যে কনঅ কাম্‌ ন গুরিবা।