যাত্রা 12:12 - Chakma Bible

¹² সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যাত্রা 12:12 Iomraidhean Croise

১ বংশধর 14:12

পলেষ্টীয়গুনে তারার্‌ দেবেদামূত্তিগুন্‌ সিদু ফেলেই যেয়োন্‌। দায়ূদো উগুমে মানুচ্চুনে সিগুন্‌ আগুনোত্‌ পুড়ি দিলাক্‌।

গীতসংহিতা 135:8

মিসর পত্তম পুয়োগুনোরে তেয়ই আঘাত্ গোজ্যে, আঘাত্ গোজ্যে মানুচ্ আর য়েমান পত্তম ছঅগুনোরে।

গীতসংহিতা 82:1

গোজেনে তা বিচের-সভাত্ থিয়েয়্যে; তে শাজন্‌গুরিয়্যেগুনোর সংমধ্যে থেইনে তারারে বিচের্ গুরিনে উগুম দের্;

গীতসংহিতা 82:6

মুই কোইয়োঙে, “তুমি যেন গোজেন, তুমি বেক্কুনে দাঙর্ গোজেনর পুয়ো।

গীতসংহিতা 91:7

অয়ত তর্ এককিত্তেন্দি পুরিবো আজার জন, আর দশ আজার পুরিবাক্ ডেন আঢেন্দি, মাত্তর্ ইগুনে তইদু ন-এবাক্।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

যাত্রা 12:23

মিসরীয়গুনোরে আঘাত্‌ গুরিবার লক্কে লগেপ্রভু যেক্কে মিসর দেজ ভিদিরেদি যেবঅ সেক্কে তমা দোরান তক্তানিত্‌ লো দেগিনে তে তমা দোরান বাদ্‌ দিইনে উজেই যেবঅ। যিবে এ ভস্তর্‌ কামান্‌ গুরিবো তারে তে তমা ঘরত্‌ সোমেইনে তমারে আঘাত গুরিবাত্তে ন-দিবো।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যাত্রা 21:6

সেক্কে তা গিরোজ্‌সো তারে গোজেন ইদু আঝি‌ল্ গুরিবো। সে পরেন্দি দোর্‌ বা দোরানর্‌ ফ্রেমান ইদু তারে নেযেইনে ড্রিল্ মেশিন্দোই তার্‌ কানান্‌ ফুদো গুরি দিবো। সেক্কে তে সারা জীংকানিবর্‌ তার্‌ গিরোজসোর্‌ চাগর্‌ ওই থেবঅ‌।

যাত্রা 22:28

গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

যাত্রা 6:2

গোজেনে মোশিরে আরঅ কলঅ, “মুই লগেপ্রভু।

যাত্রা 9:6

তার্ কেল্যে লগেপ্রভু সিয়েন গুরিলো। সেক্কে মিসরীয়গুনোর্‌ বেক্‌ য়েমানুন্‌ মুরি গেলাক্, মাত্তর্‌ ইস্রায়েলীয়গুনো পালত্তুন্‌ এক্কো য়েমান্অ ন-মুরিলাক্।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিরমিয় 43:12

মিসরর দেব-দেবেদার মন্দিরুনোত্ তে আগুন বাজেই দিবো; তে তারার মন্দিরুন পুড়ি দিইনে তারার দেবেদাগুনোরে বন্দী গুরি নেযেব। গোরু চোরেয়্যেগুনে যেবাবোত্যেগুরি তা কিয়্যেগানত্ কাবড় উরোন্ সেবাবোত্যেগুরি তে মিসরানরে দিইনে নিজোরে জোড়েব আর সিয়েনত্তুন্ তে গমেডালে যেবগোই।

যিরমিয় 43:13

মিসরর বেলদেবেদা পূজোর্ খুদোগুন তে ভাঙি ফেলেব আর মিসরর দেব-দেবেদার মন্দিরুন পুড়ি ফেলেই দিবো।’ ”

যিরমিয় 46:25

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই নো শঅরর্ দেবেদা আমোনরে, ফরৌণ আর মিসররে, তার দেব-দেবেদা আর রাজাগুনোরে আর যিগুনে ফরৌণ উগুরে বিশ্বেজ্ গরন তারারে বেক্কুনোরে সাজা দিম।

যিহিষ্কেল 12:16

মাত্তর্ তারা ভিদিরেত্তুন্ কিজু মান্‌জ্যরে মুই যুদ্ধোত্, ভাদরাদত্ আর ভানা আঢত্তুন্ বাঁজেম্, যেনে তারা যিদু যেদাক্ সাৎ সিদুগোর্ বেক জাদ্‌তুনো ইধু তারার্ বেক জঘন্য অভ্যাসর্ কধানি স্বিগের্ গরন। সেক্কে তারা হবর্ পেবাক্ যে, মুয়ই লগেপ্রভু।”

আমোষ 5:17

বেক্ আংগুর খেত্‌‌তানিত্ আবিলেচ্ গুরিবাক, কিত্যে মুই তমা ভিদিরেদি যেইম। মুই লগেপ্রভু এ কধাগান কঙর্।”

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

গণাণা 33:4

মিসরীয়গুনে সেক্কে তারার্‌ পত্তম পূঅগুনোরে গোর্ দেদন। লগেপ্রভু তারার্‌ পত্তম পূঅগুনোরে মারে ফেলেয়্যে আর তারার্‌ দেব-দেবেদাগুনোরে সাজা দিয়্যে।

১ শমূয়েল 5:3

তারকেল্যে অস্‌দোদর মানুচ্চুনে বেন্যেপোত্যে উদিনে দেগিলাক্ দাগোনে লগেপ্রভুর সুন্দুক্কোর মুজুঙোত্‌ মাদিত্‌ মাদা নিগিরিনে পড়ি আঘে। তারা সেক্কে দাগোনর মূত্তিবো তুলি নেযেইনে তা জাগায়ানত্‌ রাগেলাক।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।