যাত্রা 11:8 - Chakma Bible

⁸ তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

যাত্রা 11:8 Iomraidhean Croise

১ রাজাবলী 20:10

বিন্‌হদদে সেক্কে আহাব ইদু এ হবরান্‌ পাদেল, “মর্‌ বেক্‌ মানুচ্চুনোরে এক মুঠ্‌ গুরিনে দিবার্‌ ধোক্ক্যেন্ ধূল্যেয়ো যুনি শমরিয়াত্‌ থায় সালে দেবেদাগুনে যেনে মরে সাজা দুয়োন্‌ আর সিয়েন্‌ অমকদ গুরিনে দুয়োন্‌।”

২ রাজাবলী 3:9

সেক্কে যিহূদার রাজা আর ইদোমর রাজার লগে ইস্রায়েলর রাজা নিগিলিনে যাহ্ ধুরিলাক্‌। তারা সাত দিন সং ঘুরেইয়্যে পধেন্দি গেলাক্‌। সেক্কে সৈন্যদলত্তে বা তারা সমারে য়েমানুনোত্তে কনঅ পানি ন-এলঅ।

নহিমিয় 5:6

তারার্‌ কানাকুদি আর এ নালিশছানি শুনিনে মুই অমকদ রাগ্‌ তুলিলুঙ্‌।

গীতসংহিতা 6:1

ও লগেপ্রভু, রাগ্ গুরিনে তুই মরে গেইল্ ন-দিচ্; বেজার্ ওইনে মরে শাজন্ ন-গুরিচ্।

যাত্রা 10:29

মোশি কলঅ, “তুই যিয়েন্‌ কোইয়োচ্‌ সিয়েনোই অবঅ। মর্‌ নিজো আওজে মুই আর তঅ মুজুঙোত্‌ ন-এইম্‌।”

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

দ্বি’লম্বর বিররণ 29:24

সিয়েন দেগিনে অন্য বেক্‌ জাদ্‌তুনে পুযোর্ গুরিবাক, লগেপ্রভু কিত্তে এ দেজ্‌ছানরে এ দজা গুরিলো? কিত্তে তাঁর এই জোল্‌জোল্যে রাগ?

দ্বি’লম্বর বিররণ 32:24

মুই তারা উগুরে কিয়্যেগান্ ক্ষয় গরেদে ভানা ধোক্ক্যেন, ভস্ত গুরিয়্যে ভানা আর দুঘে ভরা পিড়ে পাধেই দিম্‌। তারা উগুরে মুই ঝাড়্‌বো দাত্‌বলা য়েমান আর বুক্কোই ভর্‌ দিইনে যান্দে বিষবলা সাপ পাধেই দিম্‌।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।

বিচের গুরিয়্যেগুন 4:10

বারকে সিদু সবূলূন আর নপ্তালি-গুট্টির মানুচ্চুনোরে ডাগিলো। সেক্কে দশ আজার মানুচ্‌ তা সমারে গেলাক্‌। আর দবোরায়ো তা সমারে গেলঅ‌।

বিচের গুরিয়্যেগুন 8:5

সেনত্তে গিদিয়োনে সুক্কোতর মানুচ্চুনোরে কলদে, “মর্ সৈন্যগুনোরে কিজু রুটি হেবাত্তে দুয়ো; তারা বল্‌‌পোজ্যে ওইয়োন। মুই এজঅ সং মিদিয়নীয়গুনোর রাজা সেবহ আর সল্‌মুন্নোর পিজেদি লোড়াঙর্।”