যাত্রা 11:7 - Chakma Bible

⁷ মাত্তর্‌ ইস্রায়েলীয়গুনো ভিদিরে এক্কো কুকুরো রঅয়ো শুনো ন-যেবঅ, সিবে মানুচ্ দেগিনে ওক্‌ বা য়েমান্‌ দেগিনে ওক্‌। সেক্কে তুমি জানি পারিবাদে, লগেপ্রভু মিসরীয় আর ইস্রায়েলীয়গুনোরে যুদো গুরি চায়।

যাত্রা 11:7 Iomraidhean Croise

ইয়োব 5:16

সেনত্তে অসহায় মানুচ্চুনে আজালোই বুক্কো বানন্‌, আর অবিচের্‌ বন্ধ ওই যায়।

গীতসংহিতা 7:12

অন্যেয়গুরিয়েবো যুনি ন-ফিরে সালে তে তার্ লাম্বা ছুড়িগান ধারেব আর তার্ ধনুগান লোঙেনে ঠিগ্ গুরি নেযেব।

যাত্রা 10:23

সেই তিন দিন সং কনজনে কাররে নয়ো-দেগিলাক্‌ আর ঘরানি ছাড়িনে কনজনে বারেন্দিয়ো ন-গেলাক্। মাত্তর্‌ ইস্রায়েলীয়গুনে যিয়েনত্‌ এলাক্‌ সিয়েনত্‌ পহ্‌র এলঅ।

যাত্রা 7:22

সেক্কে মিসরীয় যাদু পারিয়্যেগুনে তারার্‌ যাদুমন্ত্রলোই একই কাম্‌ গুরিলাক্। সেনত্যে ফরৌণ মনান্‌ আরঅ চিৎনপুজ্যে ওই উদিলো। লগেপ্রভু যিয়েনি কোইয়্যে সিয়েন অলঅ; মোশি আর হারোণর্ কধা ফরৌণে ন-শুনিলো,

যাত্রা 8:19

এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:22

মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যাত্রা 9:4

মাত্তর্‌ মুই ইস্রায়েলীয়গুনোর য়েমান পালুনোরে মিসরীয়গুনোর য়েমান পালত্তুন্‌ যুদো গুরি চেম্‌। তারার্‌ যিদুক্কুন্‌ য়েমান আগন্‌ সিগুন এক্কোয়ো ন-মুরিবাক্।’ ”

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

যিহোশূয় 10:21

ইয়েনর্ পরেন্দি ইস্রায়েলীয়গুনোর সৈন্যগুনে বেক্কুনে মক্কেদার তাম্বুলোত্‌ দোলেডালে যিহোশূয়র ইদু ফিরি গেলাক্‌। ইস্রায়েলীয়গুনোর বিরুদ্ধে কনজনে কনঅ‌ কধা কবার্‌ সাহস ন-পেলঅ‌।