যাত্রা 11:3 - Chakma Bible

³ ইন্দি লগেপ্রভু ইস্রায়েলীয়গুনো উগুরে মিসরীয়গুনোর্‌ মনত্‌ এক্কান্‌ দোয়্যের্‌ মনভাব জাগেই দিলো। ইয়েন্‌ বাদে মোশিয়ো ফরৌণ কাম্‌ গুরিয়্যেগুনো ইধু আর মিসর মানুচ্চুনোর চোগেদি এক্কো দাঙর্‌ মানুচ্ এলঅ।

যাত্রা 11:3 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

ইষ্টের 9:4

মর্দখয়ে রাজঘরর্‌ বেগঅ দাঙর্‌বো অলঅ; তা নাঙান্‌ সে চাগালাত্‌ বেক্‌ জাগায়ানিত্‌ হবর্‌ পেলাক্‌ আর তে দিন দিন খেমতাবলা ওই উদিলো।

গীতসংহিতা 106:46

যিগুনে তারারে বান্ন্যন্ তারা ইদু তে তারারে দোয়্যে-মেয়্যেবলা বানেল।

যাত্রা 12:35

ইস্রায়েলীয়গুনে মোশির্‌ কধামজিম মিসরীয়গুনোত্তুন্‌ সনা-রুবোর জিনিসছানি আর কাবড়-চুগোরানি মাগি ললাক্‌।

যাত্রা 12:36

তারা যিয়েনি চেবাক্‌ মিসরীয়গুনে যেনে তারারে সিয়েনিই‌ দুয়োন্‌ সেনত্যেই লগেপ্রভু আগে আগে মিসরীয়গুনোর মনত্‌ ইস্রায়েলীয়গুনো উগুরে এক্কান্‌ মেইয়্যের্‌ মনভাব্‌ গুরি দিলো। এসাইন্যাগুরি তারা মিসরীয়গুনোর্‌ বোউত্‌ কিজু অধিকার্‌ গুরি নিলাক্‌।

যাত্রা 3:21

ইস্রায়েলীয়গুনো উগুরে মিসরীয়গুনোর্‌ মনত্‌ মুই এন্‌ এক্কান্‌ মেইয়্যের্‌ মনভাব গুরি দিম্‌ যেনে মিসরত্তুন্‌ নিগিলি যেবার সময় তমারে সুদোআঢে যাহ্ ন-পড়ে।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

প্রেরিত্‌ 7:22

মোশি মিসরীয়গুনোর বেক্‌ শিক্ষ্যেলোই শিক্ষিত অলঅ, আর তে কধালোই আর কামে খেমতাবলা এলঅ।

দ্বি’লম্বর বিররণ 34:10

এচ্চ্যে সং ইস্রায়েলীয়গুনো ভিদিরে মোশি ধোক্ক্যেন আর কনঅ ভাববাদীর জর্ম ন-অন যিবে ইদু লগেপ্রভু দাংগু ধোক্ক্যেন মুজুঙো-মুজুঙি কধা কধঅ।

দ্বি’লম্বর বিররণ 34:11

লগেপ্রভু মোশিরে মিসর দেজত্‌ ফরৌণ আর তার কামগুরিয়্যে আর তার গোদা দেজ উগুরে যে বেক আমক্‌ অবার্‌ চিহ্নোগানি আর কাম গুরিবাত্তে পাধেই দিয়্যে সেধোক্ক্যেন কাম্‌ আর কনজনে ন-গরন্‌।

যিহোশূয় 4:14

সেদিন্যে লগেপ্রভু বেক্‌ ইস্রায়েলীয়গুনোর চোগোত্‌ যিহোশূয়রে সর্মান গুরিলো। সিয়েনত্তে মানুচ্চুনে মোশি ধোক্ক্যেন্‌ গুরিনে যিহোশূয়র পুরো জীংকানিগান ধুরিনে তারে ভোক্তি গুরিলাক্‌।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।