যাত্রা 10:9 - Chakma Bible

⁹ জোবত্‌ মোশি কলঅ, “আমা চিগোন্‌ চিজিগুন্‌ আর বুড়োগুন, আমা ঝি-পূয়োগুন্‌ আর আমার গোরু-ভেড়াছাগলুন্‌ আমা লগে যেবাক্, কিত্তে লগেপ্রভুর্‌ নাঙে আমার্‌ এক্কান পরব্ পালা পুরিবো।”

যাত্রা 10:9 Iomraidhean Croise

পত্থম 50:8

ইয়েনবাদে যোষেফর নিজোর আর তা বাবর্ পরিবারর্‌ বেক্কুনে আর তা ভেইয়ুনেয়ো তা লগে গেলাক্। গোশনত্‌ তারার্‌ চিগোন্‌ পুয়ো-ছাগুনোরে আর তারার্‌ গোরু-ভেড়া ছাগল পালুন্ থোই গেলাক্।

যাত্রা 10:10

সেক্কে ফরৌণে তারারে কলঅ, “যুদি কনঅ দিন্অ মুই ঝি-পূয়োগুন সুমুত্তো তমারে যেবাত্তে দুয়োং সালে তমার্‌ সে লগেপ্রভুবোয়ো যেনে তমা সমারে থায়্‌। উজিয়ার্‌! তমা উদ্দেশ্যগান্ গম্‌ নয়।

যাত্রা 10:26

আমার গোরু-ভেড়াছাগলুন আমা লগে নেযা পুরিবো। তারার্‌ এক্কো খুর্‌অ আমি ইয়েনত্‌ ফেলে যেই ন-পারিবোং। আমা গোজেন লগেপ্রভুর্‌ উবোসনাত্যে ইগুনো ভিদিরেত্তুন্‌ কয়েক্কো আমার কামত্‌ লাগিবাক্। সিদু ন-যানা সং আমি বুঝি ন-পারির্‌ লগেপ্রভুর্‌ উবোসনাত্যে কেধোক্ক্যেন য়েমান্‌ আমার্‌ লাগিবাক্।”

যাত্রা 12:32

তমা কধা মজিম যেবার্‌ অক্তত্‌ তমা গোরু-ভেড়াছাগল ঝাক্কুন্‌অ নেযেবা, আর মরেয়ো বর্ দুয়ো।”

যাত্রা 12:37

সে পরেদি ইস্রায়েলীয়গুনে রামিষেষত্তুন্‌ সুক্কোত ইন্দি যাহ্ ধুরিলাক্‌। প্রায় ছয়লাখ্ মরদপুয়ো আঢি আঢি গেলাক্‌। তারা সমারে মিলেমানুচ্‌ আর গুরো-গারায়ো এলাক্‌।

যাত্রা 12:38

ইস্রায়েলীয়গুনে বাদেয়ো আরঅ বোউত্‌ মানেই আর গোরু-ভেড়াছাগলসুদ্ধো এক্কো দাঙর্‌ য়েমানর্ ঝাক্‌অ‌ তারা সমারে এলঅ‌।

যাত্রা 13:6

এই পরপ্‌পো পালেবার্‌ অক্তত্‌ সাত দিন সং তুমি সদা ন-মিজেইয়্যে রুটি হেবা। সে পরেদি সাত দিনোর্‌ দিন্নোত্‌ লগেপ্রভুর্‌ নাঙে এক্কো উৎসব গুরিবা।

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 5:1

পরেদি মোশি আর হারোণে যেইনে ফরৌণরে কলাক্, “লগেপ্রভু, যিবে ইস্রায়েলীয়গুনোর্‌ গোজেন, তে কোইয়্যেদে, মঅ মানুচ্চুনে যেনে ধূল্যেচর-চাগালাত্‌‌ যেইনে মঅ নাঙে এক্কো মেইত্‌বান গুরি পারন সেনত্যে তারারে যেবাত্তে দে। ”

যাত্রা 5:3

সেক্কে তারা কলাক্, “ইব্রীয়গুনোর্‌ গোজেন আমা লগে দেগা দিয়্যে। সেনত্যে তুই দোয়্যে গুরি আমারে যেবাত্তে দে যেনে আমি ধূল্যেচর-চাগালাত্‌ তিন দিনো পথ যেইনে আমা গোজেন লগেপ্রভু নাঙে য়েমান উৎসর্ব গুরি পারিই। সিয়ান ন-গুরিলে তে দগে নঅলে কনঅ মরন পীড়েলোই বা যুদ্ধোর্‌ মাধ্যমে আমা উগুরে সাজা-আনিবো।”

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

উপদেশক 12:1

তঅ গাবুজ্যে জিংকানিত্ তর্ গোজেনরে ইদোত্ তুল্, কিত্তে বুড়ো বয়জর্ দিনুন্ এজের্, অত্তাৎ দুঘো দিনুন্ এজের্ যেক্কেনে তুই কবে, “মর্ এ বুড়ো বয়জত্ মর্ কনঅ রঙ্গ-ফুত্তি নেই।”

গণাণা 29:12

সাত মাজর্ পন্দর তারিগোত্ এক্কো সুদ্ধো-সাংগ মিলন-সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো। তুমি লগেপ্রভুর্ নাঙে সাত দিন ধুরিনে উৎসব পালন গুরিবা।

ইফিষীয় 6:4

তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”