যাত্রা 10:7 - Chakma Bible

⁷ সেক্কে ফরৌণর্‌ কাম্‌গুরিয়্যেগুনে তারে কলাক্, “এ মানুচ্চো আর কয়দিন্‌ আমারে ফাল্ ফাদি থেবঅ? উই মানুচ্চুনে যেনে তারার্‌ গোজেন লগেপ্রভুর্‌ উবোসনা গুরি পারন সেনত্যে তারারে যেবাত্তে দে। তুই কি বুঝি ন-পারত্‌তে, মিসর্‌ দেজ্‌চান্‌ এক্কুবারে শেজ্ ওই গেলঅ?”

যাত্রা 10:7 Iomraidhean Croise

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

যাত্রা 12:33

মিসরীয়গুনোর্‌অ দর্‌ লাগিলো, তারায়ো দগে ন-অলে মুরি যেবাক্। সেনত্যেই তারা ইস্রায়েলীয়গুনোরে তাগাদা দিয়া ধোজ্যন্‌ যেনে তারা যাদিমাদি তারার্‌ দেজত্তুন্‌ নিগিলি যান্‌।

যাত্রা 23:33

তমা দেজ ভিদিরে তারারে বজত্তি গুরিবাত্তে ন-দিবা। সিয়েন গুরিলে তারা মঅ বিরুদ্ধে তমারে পাপ কামত্‌ টানি নেযেবাক্, কিত্তে যুনি তুমি তারার্‌ দেব-দেবেদাগুনোরে পূজো গরঅ‌ সালে হামাক্কায়্‌ তুমি সিয়েনর কাবুগোত্‌ আক্‌সো যেবা।

যাত্রা 7:5

মুই যেক্কে মঅ বলান্‌ দেগেইনে মিসর্‌ দেজ ভিদিরেত্তুন্‌ ইস্রায়েলীয়গুনোরে নিগিলেই আনিম সেক্কে মিসরীয়গুনে বুঝি পারিবাক্, মুই লগেপ্রভু।”

যাত্রা 8:19

এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

গম্ উপদেজ্ 29:6

পাজি মান্‌‌জ্যে নিজোর পাপে ফালত্ পড়ে, মাত্তর্ গোজেন ভক্ত মান্‌‌জ্যে হুজি অন আর গিদ্ গান।

উপদেশক 7:26

মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

যিশাইয় 14:20

তুই অন্য রাজাগুনো ধোক্ক্যেন্ গোর্ ন-পেবে, কিত্তে তঅ দেজ্‌ছানরে তুই ভস্ত গোজ্যস্ আর তঅ মানুচ্চুনোরে মারে ফেল্যচ্। পাজিগুনোর্ বংশধরুনোর কধা আর কনদিন্অ তুলো ন-অবঅ।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিরমিয় 48:4

মোয়াবরে ভাঙি ফেলা অবঅ; তারা চিগোন পুয়ো-ছাগুনে কানি উদিবাক্।

যিরমিয় 51:8

বাবিল অদাদৎ পড়ি যেইনে ভাঙি যেইয়্যে। তাত্তে আবিলেচ্ গরঅ। তার্ পীড়েগানত্তে মলম আনঅ; অয়ত তে গম্ অবঅ।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

১ করিন্হীয় 7:35

এ কধাগান মুই তমার্ মংগলত্যে কঙর্। মুই তমারে ধরানা-মানা গরানা ভিদিরে রাগেবাত্যে সিয়েনি ন-কঙর্, বরং যিয়েন গরানা উচিত্ আর গম্ সিয়েন গুরিবাত্তে তমারে উচ্চোমি দোঙর্, যেন তুমি পুরো মনান্দোই প্রভুরে সেবা গুরি পারঅ।

যিহোশূয় 23:13

সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।

১ শমূয়েল 18:21

তে মনে মনে কলঅ, “মুই দায়ূদোরে মর্‌ ঝিবো দিম্বে যেনে ঝিবো তাইদু এক্কো ফাল্‌ অয় আর পলেষ্টীয়গুনে তার বিরুদ্ধে উদোন্‌।” ইয়েন ভাবিনে শৌল দায়ূদোরে কলঅ, “মর্‌ জামেই অবাত্তে ইবেয়ই তর্‌ দ্বিলম্বর সুযোগ।”

১ শমূয়েল 5:11

তারা মানুচ্‌ পাধেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত্‌ ডাগি আনিনে কলাক্, “ইস্রায়েলীয়গুনোর গোজেনর সুন্দুক্কো ইয়োত্তুন পাধেই দুয়ো। সিবে তার নিজোর জাগাদই ফিরি যোক্‌। সিয়েন ন-অলে সিবে আমার আর আমার মানুচ্চুনোরে মারে ফেলেব।” গোজেনে সেই শঅরানরে জদবদে গুরি আঘাত গরানায় মানুচ্চুনোর মনত্‌ মরণর অমহদ দর্‌বুক লাক্কে।