যাত্রা 10:4 - Chakma Bible

⁴ যুদি তুই মঅ মানুচ্চুনোরে যেবাত্যে দেদে রাজী ন-অচ্‌ সালে এযেত্যেকেল্যে মুই তঅ দেজঅ ভিদিরে পুগ্-যুগ্ আনিম্‌।

যাত্রা 10:4 Iomraidhean Croise

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 10:5

সিগুনে এইনে দেজ্‌চানরে এমন্‌গুরি নাঢি ফেলেবাক্, মাদিয়ো দেগা ন-যেবঅ। শিলো-ঝড়ত্তুন্‌ যিয়েনি রেহাই পেইয়্যে সিয়েনি বেক্কানি পুগ্-যুগ্‌কুনে হেই ফেলেবাক্‌। মাদত্‌ যিদুক্কুন গাছ্‌-গাজারা উত্তোন্‌ সিগুনো তারা হেই ফেলেবাক্।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 5:1

পরেদি মোশি আর হারোণে যেইনে ফরৌণরে কলাক্, “লগেপ্রভু, যিবে ইস্রায়েলীয়গুনোর্‌ গোজেন, তে কোইয়্যেদে, মঅ মানুচ্চুনে যেনে ধূল্যেচর-চাগালাত্‌‌ যেইনে মঅ নাঙে এক্কো মেইত্‌বান গুরি পারন সেনত্যে তারারে যেবাত্তে দে। ”

যাত্রা 8:10

জোবত্‌ ফরৌণে কলঅ, “সালে সিয়েন কেল্যে ওক্‌।” মোশি কলঅ, “সিয়েনই অবঅ। সেক্কে তুই বুঝি পারিবে, আমা গোজেন লগেপ্রভু ধোক্ক্যেন কনজন্‌ নেই।

যাত্রা 8:23

মঅ মানুচ্চুনোরে মুই রেহাই দিম, তঅ মানেইয়ুনোরে নয়। এজেত্যে কেল্যে এ আমক্‌ অবার বেপারান্‌ দেগা যেবঅ।’ ”

যাত্রা 9:18

সেনত্যে এযেত্যেকেল্যে ঠিগ্ এ সময়োত্‌ মুই এন্‌ এক্কান অমকদ শিল্‌ পড়েদে-ঝর পাধেই দিম্‌ যিয়েন মিসর দেজর্‌ পৌইল্যাত্তুন্‌ ধুরি এজঅ সং আর কনদিন্অ ন-অয়।

যাত্রা 9:5

পীড়ের্ ভানাগান কক্কে অবঅ সিয়েনঅ লগেপ্রভু ঠিগ্ গুরিলো। তে কলঅ, “এযেত্যে কেল্যে এ দেজ্‌ছান উগুরে মুই ইয়েন্‌ ঘোদেম্‌।”

গম্ উপদেজ্ 30:27

পুগ্-যুগ্‌‌‌‌কুনোর রাজা নেই, তো তারা সুর্ গুরিনে উজেই যান্;

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

দ্বি’লম্বর বিররণ 28:38

তুমি বোউত্ লাগেবা মাত্তর্‌ কাবিবাদে কম, কিত্যে পুগ্-যুগ্‌কুনে ফলুন খেই ফেলেবাক।

ফগদাং পেইয়্যে 9:3

আর সেই ধূমোগান ভিদিরেত্তুন্ ভালোক্কুন পুগ্-যুগ্ পিত্‌থিমীত নিগিলি এলাক্। সেই পুগ্-যুগ্‌কুনোরে পিত্‌থিমীর কাঙারা বিঝে ধোক্ক্যেন খেমতা দিয়্যে অলঅ।