যাত্রা 10:26 - Chakma Bible

²⁶ আমার গোরু-ভেড়াছাগলুন আমা লগে নেযা পুরিবো। তারার্‌ এক্কো খুর্‌অ আমি ইয়েনত্‌ ফেলে যেই ন-পারিবোং। আমা গোজেন লগেপ্রভুর্‌ উবোসনাত্যে ইগুনো ভিদিরেত্তুন্‌ কয়েক্কো আমার কামত্‌ লাগিবাক্। সিদু ন-যানা সং আমি বুঝি ন-পারির্‌ লগেপ্রভুর্‌ উবোসনাত্যে কেধোক্ক্যেন য়েমান্‌ আমার্‌ লাগিবাক্।”

যাত্রা 10:26 Iomraidhean Croise

যাত্রা 10:25

জোবত্‌ মোশি কলঅ, “আমার গোজেন লগেপ্রভুর্‌ নাঙে পুজ্যে আর অন্য ডালি দিবার্‌ য়েমানুন্ তত্তুন্ তোগেই দিয়্যে পুরিবো।

যাত্রা 10:9

জোবত্‌ মোশি কলঅ, “আমা চিগোন্‌ চিজিগুন্‌ আর বুড়োগুন, আমা ঝি-পূয়োগুন্‌ আর আমার গোরু-ভেড়াছাগলুন্‌ আমা লগে যেবাক্, কিত্তে লগেপ্রভুর্‌ নাঙে আমার্‌ এক্কান পরব্ পালা পুরিবো।”

যাত্রা 12:32

তমা কধা মজিম যেবার্‌ অক্তত্‌ তমা গোরু-ভেড়াছাগল ঝাক্কুন্‌অ নেযেবা, আর মরেয়ো বর্ দুয়ো।”

যাত্রা 8:27

সেনত্যে আমা গোজেন লগেপ্রভুর উগুম মজিম ধূল্যেচর-চাগালা ভিদিরে তিন দিনো পথ যেইনে তা নাঙে আমাত্তুন্‌ য়েমান্‌ উৎসর্ব গরা পুরিবো।”

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

হোশেয় 5:6

তারার্ ভেড়া আর গোরু পাল নিইনে লগেপ্রভু ইধু গেলে তারা তারে ন-পান্; তারাত্তুন্ তে নিজোরে সোরেই নেযেয়্যে।

সখরিয় 14:20

সেদিন্নো “লগেপ্রভুর নাঙে পবিত্র” এ কধাগান ঘোড়া গত্তনাবোত্ ঘন্টাবো উগুরে খোদাই গোজ্যে থেবঅ আর লগেপ্রভুর ঘরর রানেদে পিলেগুন পূজোবো মুজুঙোত্ সুদ্ধো-সাংগ কদরাগুনো ধোক্ক্যেন পবিত্র অবঅ।

২ করিন্হীয় 8:5

আমার্ আজাত্তুন্-অ বেচ্‌ তারা দান গোজ্জ্যন্-তারা নিজোরে পত্তমে প্রভু ইধু আর পরেদি গোজেনর্ আওজ্ মজিম আমা ইধু দি দুয়োন্।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।