যাত্রা 10:25 - Chakma Bible

²⁵ জোবত্‌ মোশি কলঅ, “আমার গোজেন লগেপ্রভুর্‌ নাঙে পুজ্যে আর অন্য ডালি দিবার্‌ য়েমানুন্ তত্তুন্ তোগেই দিয়্যে পুরিবো।

যাত্রা 10:25 Iomraidhean Croise

পত্থম 8:20

সে পরেদি নোহ লগেপ্রভুর্ নাঙে এক্কো ডালিপূজো বানেল আর পত্তি জাদর গম্‌ য়েমান্‌ আর পেগত্তুন্ কয়েক্কো নেযেনে সে ডালিপূজোবো উগুরে পুজ্যে-উৎসর্বর অনুষ্ঠান গুরিলো।

যাত্রা 10:24

সেক্কে ফরৌণ মোশিরে ডাগি আনিনে কলঅ, “যাহ্, যেইনে লগেপ্রভুর্‌ উবোসনা গর্‌। তমার ঝি-পূয়োগুনেয়ো তমা লগে যেই পারিবাক্‌, মাত্তর্‌ তমা গোরু-ভেড়াছাগল পালুন্‌ ইয়েনত্‌ থেবাক্।”

যাত্রা 10:26

আমার গোরু-ভেড়াছাগলুন আমা লগে নেযা পুরিবো। তারার্‌ এক্কো খুর্‌অ আমি ইয়েনত্‌ ফেলে যেই ন-পারিবোং। আমা গোজেন লগেপ্রভুর্‌ উবোসনাত্যে ইগুনো ভিদিরেত্তুন্‌ কয়েক্কো আমার কামত্‌ লাগিবাক্। সিদু ন-যানা সং আমি বুঝি ন-পারির্‌ লগেপ্রভুর্‌ উবোসনাত্যে কেধোক্ক্যেন য়েমান্‌ আমার্‌ লাগিবাক্।”

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

লেবীয় 16:9

যে ছাগল্লো লগেপ্রভুর বিলি দেগা যেবঅ হারোণে সিবেলোই পাপ-উৎসর্বর্ অনুষ্ঠান গুরিবো।

লেবীয় 9:22

সে পরেদি হারোণে মানুচ্চুনো ইন্দি আঢ্ বাবেইনে তারারে আশিদ্‌বাদ গুরিলো। তে পাপ-উৎসর্ব, পুজ্যে-উৎসর্ব আর উদোলোলি-উৎসর্বর্ অনুষ্ঠান্‌ থুম্ গুরিনে পূজোবোত্তুন্‌ লামি এলঅ।