যাত্রা 10:15 - Chakma Bible

¹⁵ সে পুগ্-যুগ্‌কুনে পুরো দেজছানত্‌ এমন্‌গুরি ছিদি পড়িলাক্, মাদি উগুরেদি কালা গুরি দেগা যেদঅ। মাদত্‌ য়েল্‌ বাবোত্যে বেক্কানি আর গাজত্‌ যিদুক্কুন্‌ গুলো শিলো-ঝড়ত্তুন্‌ রেহাই পেইয়োন্‌ সিগুন্‌ বেক্কুন্‌ তারা হেই ফেলেলাক্। পুরো মিসর দেজর্‌ গাছ-গাছরাগুনোত্‌ য়েল্‌ বাবোত্যে আর কিচ্চু ন-রলঅ।

যাত্রা 10:15 Iomraidhean Croise

গীতসংহিতা 78:46

তারার শোজ্যগুন তে ফিরিঙুনোরে দিলো আর তারার ফসলানি পুগ্-যুগ্‌কুনোরে দিলো।

যাত্রা 10:12

পরেদি লগেপ্রভু মোশিরে কলঅ, “মিসর্‌ দেজ্‌ছান উগুরে তঅ আঢ্‌তান্‌ বাবেই দে। সেক্কে মাদত্‌ য়েল্‌ বেক্কানি, অত্তাৎ শিলো-ঝড়ত্তুন্‌ রেহাই পেইয়্যে বেক্কানি পুগ্-যুগ্‌কুনে এইনে হেই ফেলেবাক্।”

যাত্রা 10:5

সিগুনে এইনে দেজ্‌চানরে এমন্‌গুরি নাঢি ফেলেবাক্, মাদিয়ো দেগা ন-যেবঅ। শিলো-ঝড়ত্তুন্‌ যিয়েনি রেহাই পেইয়্যে সিয়েনি বেক্কানি পুগ্-যুগ্‌কুনে হেই ফেলেবাক্‌। মাদত্‌ যিদুক্কুন গাছ্‌-গাজারা উত্তোন্‌ সিগুনো তারা হেই ফেলেবাক্।

গম্ উপদেজ্ 30:27

পুগ্-যুগ্‌‌‌‌কুনোর রাজা নেই, তো তারা সুর্ গুরিনে উজেই যান্;

যোয়েল 1:4

কামেড়্যেয়ে পুগ্-যুগে যিয়েনি থোই যেইয়োন সিয়েনি ঝাক্ বান্যে পুগ্-যুগ্‌কুনে হেইয়োন; ঝাক্ বান্যে পুগ্-যুগে যিয়েনি থোই যেইয়োন সিয়েনি ভস্তগুরিয়্যে পুগ্-যুগে হেইয়োন্; ভস্তগুরিয়্যে পুগ্-যুগে যিয়েনি থোই যেইয়োন্ সিয়েনি ফাল্যে ফাল্যে যাইদ্যে পুগ্-যুগে হেইয়োন্।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

আমোষ 7:2

সিগুনে যেক্কে দেজর্ য়্যেল্ গাজ-বাজ্ হেইনে শেজ্ গুরি দিলাক্ সেক্কে মুই কোজোলী গুরিনে কলুং, “ও প্রভু লগেপ্রভু, খেমা গর্। যাকোবে কেধোক্ক্যেন গুরি বাঁজি থেবঅ? তে দঅ অমকদ চিগোন্।”