যাত্রা 1:8 - Chakma Bible

⁸ পরেদি এক সময়োত্‌ মিসর দেজর্‌ বেক্‌ খেমতাগান এন্‌ এক্কো নূয়ো রাজার্ আঢত্‌ গেলঅ যিবে যোষেফ পৌইদ্যেনে কিচ্চু হবর্‌ ন পেদঅ।

যাত্রা 1:8 Iomraidhean Croise

গীতসংহিতা 105:25

তা মানুচ্চুনোর বিরুদ্বে তে শত্রুগুনোর মনত্ ঈচ্ গরানা জাগেই দিলো, সেক্কেনে তারা তা চাগরুনো সমারে চালাগি গুরিনে চলা ধুরিলাক্।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

উপদেশক 9:15

সে শঅরত্ এক্কো জ্ঞানী নাঢা মানুচ্ এলঅ। তে তার্ জ্ঞানান্দোই শঅরান্ রোক্ষ্যে গুরিলো, মাত্তর্ কনজনে সে নাঢা মানুচ্চোরে মনত্ ন-রাগেলাক্।

প্রেরিত্‌ 7:18

ইয়েন পরেদি মিসরত্ আর এক্কো রাজা অলঅ। তে যোষেফ পৌইদ্যেনে কিচ্চু কোই ন-পারিদো।

প্রেরিত্‌ 7:19

সেই রাজাবো আমা মানুচ্চুনোরে থোগেদ আর আমা পূরোণি মানুচ্চুনোরে অমকদ অত্যেচার্ গুরিদো। এমন্‌ কি, তারার যিদুক্কুন চিগোন গুরো জোর্মেদাক্ সিগুন যেনে মরন্ সেনত্তে সেই চিগোন গুরোগুনোরে বারেদি ফেলেই থবাত্তে বাধ্য গুরিদো।

দ্বি’লম্বর বিররণ 26:6

মাত্তর্‌ মিসরীয়গুনে আমা লগে গম্‌ বেবহার ন-গরন। তারা আমারে দুখ্‌ দুয়োন আর আমা উগুরে এক্কান যাগুলুক্কে কামর্‌ বুধি চাপি দুয়োন।

বিচের গুরিয়্যেগুন 2:10

যিহোশূয়র সময়োত্‌ ইস্রায়েলীয়গুনে মারা যেইনে তারার্‌ পূরোণি বুড়ো-বুড়িগুনো ইদু যানার পরেন্দি তারার্‌ জাগায়ানিত এলাক্‌ তারার্‌ গুট্টিগুনে। ইগুনে লগেপ্রভুরে ন-চিনিদাক্‌ আর লগেপ্রভু ইস্রায়েলীয়গুনোত্তে যিয়েনি গোজ্যে সিয়েনিয়ো হবর্‌ ন-পেদাক্‌।