যাত্রা 1:7 - Chakma Bible

⁷ মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

যাত্রা 1:7 Iomraidhean Croise

পত্থম 1:20

সে পরেদি গোজেনে কলঅ, “পানিগান্‌ নানান্‌ জেদা পরাণবলা ঝাক্কোই ভুরি উদোক্‌, আরঅ পিত্‌থিমীয়ান উগুরে আগাজ ইধু নানান্‌ পেগে উড়ি বেড়াদোক্।”

পত্থম 1:28

গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 26:22

সিয়েন পরেদি ইস্‌হাকে সিয়েনত্তুন্‌ সুরি যেইনে আর এক্কো কূয়ো খুড়িলো। মাত্তর্‌ এবেরা পলেষ্টীয়গুনে সিবেলোই কনঅ কোল্‌-কোজ্যে ন-বাজেলাক। ইস্‌হাকে সে কূয়োবো নাঙান্‌ রাগেল রহোবোৎ (যিয়েনর্ ভেদতান্ “বোউত্‌ জাগা”)। তে কলঅ, “বেগঅ যেরেন্দি লগেপ্রভু আমারে জাগায়ান দিলো যেনে আমি ইয়েনত্ জনেদি বাড়ি উদি পারিই।”

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

পত্থম 47:27

ইস্রায়েলীগুনে মিসর্‌ দেজ গোশনত্‌ বজত্তি গরা ধুরিলাক্। সিয়েনত্‌ তারা জাগা-জোমি গুরিলাক্। তারার্‌ ভালোক্কুন্‌ পুয়ো অলাক আর তারা জনেদি বোউত্‌ বাড়িলাক্।

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

পত্থম 48:4

তে মরে কোইয়্যেদে, মুই তরে ভালোক্কুন্‌ পুয়োর্‌ বাব্‌ অবার্‌ খেমতা দিলুং আর তঅ বংশর্‌ মানুচ্চুনোরে বাড়েই দিম। মুই তঅ ভিদিরেত্তুন্‌ ভালোক্কুন্‌ গুট্টির্‌ জাদ্ বানেম, আর তঅ পরেদি এ দেজ্‌ছান্‌ মুই উমরর্‌ সোম্বোত্তি ইজেবে তঅ বংশর্‌ মানুচ্চুনোরে দিম।

পত্থম 9:1

গোজেনে নোহ আর তা পুয়োগুনোরে বর্ দিইনে কলঅ, “তুমি বংশবাড়েবার খেমতালোই জনেদি বাড়ি উদো আর পিত্‌থিমীগান ভোরেই ফেলঅ।

নহিমিয় 9:23

আগাজ তারা ধোক্কেন্‌ তুই তারারে বোউত্‌ পূঅ-ছা দুয়োজ্‌ আর তুই তারারে সে দেজত্‌ নেযেয়োজ্‌ যে দেজ্‌ছানত্‌ সুমিনে সিয়েন্‌ গজক্‌ গুরিবার্‌ কধা তুই তারার্‌ পূরোণিমানুচ্চুনোরে কোইয়োচ্‌।

গীতসংহিতা 105:24

লগেপ্রভু তার নিজো মানুচ্চুনোর বংশবো বোউত্ বাড়েই দিলো; শত্রুগুনোত্তুন্ বেশ্ তে তারারে বোলি বানেল।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

যাত্রা 1:12

মাত্তর্‌ তারা উগুরে যেদক্‌ অত্যেচার্ গরা অলঅ সেদক্‌ তারা জনেদি বাড়ি যেইনে দেজ চেরোকিত্তেদি ছিদি পড়িলাক্। সেক্কে ইস্রায়েলীয়গুনোত্তে মিসরীয়গুনো মনত্‌ অমকদ দর্‌বুক সোমেল।

যাত্রা 12:37

সে পরেদি ইস্রায়েলীয়গুনে রামিষেষত্তুন্‌ সুক্কোত ইন্দি যাহ্ ধুরিলাক্‌। প্রায় ছয়লাখ্ মরদপুয়ো আঢি আঢি গেলাক্‌। তারা সমারে মিলেমানুচ্‌ আর গুরো-গারায়ো এলাক্‌।

যাত্রা 5:5

চঅ, দেজত্‌ তমা মানুচ্চুন ইক্কিনে বোউত্ ওইয়োন, আর তমাত্ত্যে তারা কামানি থামেই দেদন্‌।”

যিহিষ্কেল 16:7

মুই তরে খেদর্ চারা ধোক্ক্যেন দাঙর্ গুরি তুলিলুং। তুই দাঙর্ ওই উদিনে হার্‌কোজ্যে গাবুর্ অলে, তঅ বুগ্‌কো দাঙর্ অলঅ, কেশ্ উদিলো, মাত্তর্ তুই লাংটা-বাংটা আর কাবড় ছাড়া এলে।

প্রেরিত্‌ 13:17

ইস্রায়েল জাদর্ গোজেনে আমা পূরোণি মানুচ্চুনোরে বেঈ লোইয়্যে আর যেক্কে তারা মিসর দেজত্ এলাক্ সেক্কে তারারে বোউত্ মহান গোজ্যে। পরেদি গোজেনে দাঙর্ খেমতালোই সেই দেজত্তুন্ তারারে নিগিলেই আন্ন্যে আর প্রায় চল্লিশ বজর্ ধুরি ধূল্যেচর-চাগালা ভিদিরে তারার্ অন্যেয় বেবহারানি সোজ্য গোজ্যে।

দ্বি’লম্বর বিররণ 10:22

তমার্‌ যে পুরোণি মানুচ্চুনে মিসরত্‌ যেইয়োন তারা সোংখ্যেন্দি এলাক্কে বানা সত্তুরজন আর ইক্কিনে তমার গোজেন লগেপ্রভু তমারে জনেদি গুরি দিয়্যে আগাজর্‌ তারাগুনো ধোক্ক্যেন গুণি ন-পুড়েইয়্যে।

দ্বি’লম্বর বিররণ 26:5

সে পরেন্দি তুমি বেক্কুনে তমার গোজেন লগেপ্রভুর মুজুঙোত্‌ কবাদে, আমার পুরোণি মানুচ্চো এলঅ এক্কো অরামীয় বেড়াজ্যে। তে বানা কয়েক্কো মানুচ্‌ নেযেইনে মিসর দেজত্‌ যেয়েগোই আর সিয়েনত্ বজত্তি গুরিবার অক্তত তা মাধ্যমে এক্কো দাঙর্‌ আর বোলী জাদর জর্ম ওইয়্যে যিবের মান্‌জ্যর সোংখ্যে এলাক ভালোক্কুন।