যাত্রা 1:20 - Chakma Bible

²⁰ গোজেনে সেই ওঝাগুনোরে রোক্ষ্যে গুরিলো। ইস্রায়েলীয়গুনে জনেদি বাড়া ধুরিলাক্ আর তারা জদবদে বোলী ওই উদিলাক্।

যাত্রা 1:20 Iomraidhean Croise

গীতসংহিতা 103:11

পিত্‌থিমীত্তুন দেবাবো কুদ্দুর্ যেধোক্ক্যেন দুযি নেই, সেধোক্ক্যেন তা ভক্তগুনো উগুরে তার্ অমকদ কোচ্‌পানার্‌অ দুযি নেই।

গীতসংহিতা 111:5

তা ভক্তগুনোরে তে হানা যুগেই দে; তার থিদেবর্ গোজ্যে সুদোমান তে কনদিন্‌অ ভুলি ন-যেবঅ।

গীতসংহিতা 145:19

যিগুনে তারে ভোক্তিগুরিনে দরান্ তারার মন আওজ্‌চানি তে পুরেই দে; সাহায্যত্তে তারার কানানিগানি শুনিনে তে তারারে রোক্ক্যে গরে।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

যাত্রা 1:12

মাত্তর্‌ তারা উগুরে যেদক্‌ অত্যেচার্ গরা অলঅ সেদক্‌ তারা জনেদি বাড়ি যেইনে দেজ চেরোকিত্তেদি ছিদি পড়িলাক্। সেক্কে ইস্রায়েলীয়গুনোত্তে মিসরীয়গুনো মনত্‌ অমকদ দর্‌বুক সোমেল।

যাত্রা 1:19

জোবত্‌ তারা ফরৌণরে কলাক্, “ইব্রীয় মিলেগুন মিসরীয় মিলেগুন ধোক্ক্যেন নয়। তারার্‌ অমকদ বল্ আঘে, ওঝাগুনে তারা ইধু লুমিবার্‌ আগেদি তারার গুরোগুন্‌ ওই যান।”

যাত্রা 1:7

মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।