যাত্রা 1:17 - Chakma Bible

¹⁷ মাত্তর্‌ সেই ওঝাগুনে গোজেনরে দোরেইনে চুলিদাক্। সেনত্যে মিসর রাজাবোর উগুম মজিম কাম্‌ ন-গুরিনে তারা মরদ পূয়োগুনোরেয়ো বাঁজেই রাগেলাক্।

যাত্রা 1:17 Iomraidhean Croise

পত্থম 20:11

জোবত্‌ অব্রাহামে কলঅ, “মুই ভাবি চেয়োং, এ জাগানর্‌ মানুচ্চুনোর গোজেন-দর্‌ বিলিনে কনঅ কিচ্ছু নেই। সেনত্তে মঅ মোক্কোরে পেবাত্তে তারা অয়্‌ত মরে মারে ফেলেবাক্।

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

২ শমূয়েল 24:4

মাত্তর্‌ যোয়াব আর সেনাপতিগুনো ইদু রাজার উগুমান অদে অদে থেলঅ; সেনত্তেই ইস্রায়েলর মানুচ্চুনোরে গুণিবাত্তে তারা রাজার মুজুঙেত্তুন্‌ গেলাক্।

নহিমিয় 5:15

মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

ইষ্টের 3:3

সেক্কে রাজঘরর্‌ গেদোর্‌ চুগিদারুনে মর্দখয়রে কলাক্‌, “রাজার উগুম্‌ তুই কিত্যে ন-মানচ্‌?”

গীতসংহিতা 31:19

তুই যে ভালেদি গোজ্যস্ সিয়েন কত্তমান দাঙর্ কাম্! যিগুনে তরে ভোক্তি গরন্ তারাত্তেই তুই সিয়েন তুলি রাগেয়োচ্; তইদু আশ্রয় লোইয়্যেগুনোরে তুই সে ভালেদিগানি গুরি থাচ্, আর সিয়েনি গুরিবে বেক্কুনো মুজুঙোত্।

যাত্রা 1:18

সেক্কে রাজাবো সেই ওঝাগুনোরে ডাগি আনিনে কলঅ, “কিত্তে তুমি এ কামান্‌ গরর্? মরদ পূয়োগুনোরে বাঁজেই রাগর্‌ কিত্তে?”

যাত্রা 1:21

সেই ওঝাগুনে গোজেনরে ভক্তি গুরিদাক্‌ বিলিনে তে তারার্‌ পূয়োগুন্দোই বংশ বাড়েই দিলো।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

দানিয়েল 6:13

সেক্কে তারা রাজারে কলাক্, “ও মহারাজ, দানিয়েল নাঙে যিহূদা দেশর বন্দীগুনোর এক্কো তঅ কধায় বা যে উগুমানত্ তুই দস্তক্ গোজ্যস্ সিয়েনত্ কান ন-পাদে। তে এজ সং দিনে তিনপল্লা তবনা গরে।”

হোশেয় 5:11

ইফ্রয়িমে নিজোর্ আওজে বাজে জিনিজো পিজেদি যেইয়্যে বিলিনে তে অত্যেচারিত ওইয়্যে আর বিচেরত্ তারে টেঙ পাদালোই মাড়া ওইয়্যে।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

লূকে লেখ্যে গম্ হবর্ 12:5

কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।

প্রেরিত্‌ 5:29

সেক্কে পিতরে আর অন্য প্রচারক্কুনে জোব্ দিলাক্, “মান্‌জ্যর্ উগুম পালানাত্তুন্ বরং গোজেনর্ উগুম আমার পালানা উচিত্।

১ শমূয়েল 22:17

সে পরেন্দি রাজা তার কায়-কুরে থিয়্যেই আগন্দে সৈন্যগুনোরে কলঅ, “তুমি যেইনে লগেপ্রভুর এ বেক্‌ ধর্মগুরুগুনোরে মারে ফেলঅ। ইগুনে দায়ূদোর পক্ষেন্দি যেইয়োন। ইগুনে হবর্‌ পেদাক্, দায়ূদে ধেই যার্‌, তো ইগুনে মরে সে কধাগান ন-জানান্।” মাত্তর্‌ রাজার কামগুরিয়্যেগুনে লগেপ্রভুর ধর্মগুরুগুনোর কিয়্যেত্‌ আত্‌ তুলিবাত্তে রাজী ন-অলাক্।