যাত্রা 1:16 - Chakma Bible

¹⁶ “গুরো অবার্‌ অক্তত্ ইব্রীয় মিলেগুনোরে বল্‌ দিবাত্তে গেলে তুমি গমেডালে রিনি চেবা তারা গুরোগুন্‌ মিলে না কি মরদ; মরদ অলে তারারে মারে ফেলেবা আর মিলে অলে বাজেই রাগেবা।”

যাত্রা 1:16 Iomraidhean Croise

গীতসংহিতা 105:25

তা মানুচ্চুনোর বিরুদ্বে তে শত্রুগুনোর মনত্ ঈচ্ গরানা জাগেই দিলো, সেক্কেনে তারা তা চাগরুনো সমারে চালাগি গুরিনে চলা ধুরিলাক্।

যাত্রা 1:15

ইগুনবাদে শিফ্রা আর পূয়া নাঙে দ্বিজন ইব্রীয়, অত্তাৎ ইস্রায়েলীয় ওঝাগুনোরে মিসর রাজাবো কোই দিলো,

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

মথি লেখ্যে গম্ হবর্ 21:38

মাত্তর্ সেই চাষাবলাগুনে পুয়োবোরে দেগিনে নিজো ভিদিরে কুয়ো-কি গুরিলাক্, ‘ইবেই দঅ সোম্বোত্তির্ গিরোজ পুয়োবো। যেই, আমি তারে মারে ফেলেই, সেক্কে আমি সোম্বোত্তির্ গিরোজ্ অবং।’

প্রেরিত্‌ 7:19

সেই রাজাবো আমা মানুচ্চুনোরে থোগেদ আর আমা পূরোণি মানুচ্চুনোরে অমকদ অত্যেচার্ গুরিদো। এমন্‌ কি, তারার যিদুক্কুন চিগোন গুরো জোর্মেদাক্ সিগুন যেনে মরন্ সেনত্তে সেই চিগোন গুরোগুনোরে বারেদি ফেলেই থবাত্তে বাধ্য গুরিদো।

ইব্রীয় 11:23

মোশির জর্মর্ পরেদি তার মা-বাবে বিশ্বেজ্ গুরিনেই তিন মাস তারে লুগেই রাগেয়্যে, কিয়া তারা দেক্ক্যন্দে পুয়োবো দোল্ আর তারা রাজার উগুমানরে ন-দোরেলাক্।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।