ইষ্টের 9:4 - Chakma Bible

⁴ মর্দখয়ে রাজঘরর্‌ বেগঅ দাঙর্‌বো অলঅ; তা নাঙান্‌ সে চাগালাত্‌ বেক্‌ জাগায়ানিত্‌ হবর্‌ পেলাক্‌ আর তে দিন দিন খেমতাবলা ওই উদিলো।

ইষ্টের 9:4 Iomraidhean Croise

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

১ বংশধর 11:9

দায়ূদে দিন দিন আরঅ দরমর ওই উদিলো, কিত্তে বেগ্‌ খেমতাগানির গিরোজ্‌ লগেপ্রভু তা সমারে এলঅ।

১ বংশধর 14:17

এধোক্ক্যেন গুরিনে দায়ূদো সুনাঙান্‌ বেক্‌ দেজ্‌ছানিত্‌ ছিদি পড়িলো, আর লগেপ্রভু বেক্‌ জাত্‌তুনো ইদু তা পৌইদ্যেনে এক্কান্‌ দর্ দর্ মনভাব জাগেই দিলো।

ইষ্টের 10:2

তা খেমতা আর বলর্‌ বেক্‌ কধানি আর মর্দখয়রে রাজা যেধোক্ক্যেন্‌ গুরিনে দাঙর্‌ পদ দিইনে দাঙর্ গোজ্যে সেই বেক্‌ কধানি মাদিয়া আর পারস্যের রাজাগুনোর্‌ বিজগ বোইবোত্‌ লেগা আঘে।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 18:43

ও লগেপ্রভু, মানুচ্চুনোর উল্লোমিত্তুন্ তুই মরে উদ্ধোর্ গোজ্যস্, অন্য জাদ্‌‌তুনো উগুরে মরে নেতা বানেয়োচ্; মুই যিগুনোরে ন-চিনিদুং তারায়ো মঅ তলেদি ওইয়োন।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

যাত্রা 11:3

ইন্দি লগেপ্রভু ইস্রায়েলীয়গুনো উগুরে মিসরীয়গুনোর্‌ মনত্‌ এক্কান্‌ দোয়্যের্‌ মনভাব জাগেই দিলো। ইয়েন্‌ বাদে মোশিয়ো ফরৌণ কাম্‌ গুরিয়্যেগুনো ইধু আর মিসর মানুচ্চুনোর চোগেদি এক্কো দাঙর্‌ মানুচ্ এলঅ।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

সফনিয় 3:19

যিগুনে তঅ উগুরে অত্যেচার গরন্ তারারে বেক্কুনোরে মুই সে সময়োত্ সাজা দিম্; মুই আঢুড়ুনোরে উদ্ধোর্ গুরিম আর যিগুনে ছিদি পোজ্যন্ তারারে তুবেম্। তারার্ লাজানার্ বদলে মুই তারারে গোদা দুনিয়েনত্ নাঙ্ গিনেনা পান্ আর বাঈনী গুরিম।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

যিহোশূয় 6:27

লগেপ্রভু যিহোশূয়র সমারে রলঅ, আর দেজর বেক্‌ জাগানিত্‌ তার সুনাং ছিদি পড়িলো।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।