ইষ্টের 9:25 - Chakma Bible

²⁵ মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

ইষ্টের 9:25 Iomraidhean Croise

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

ইষ্টের 3:6

মাত্তর্‌ মর্দখয়র জাদ পৌইদ্যেনে হবর্‌ পেইনে বানা মর্দখয়রে মারে ফেলেবাত্তে এক্কান্‌ মামুলি বেপার্‌ বিলিনে তে মনে গুরিলো। সিয়েনর বদলে তে এক্কান্‌ পধ তোগা ধুরিলো যেনে অহশ্বেরশর পুরো রেজ্যগান ভিদিরেত্তুন্‌ মর্দখয়র মানুচ্চুনোরে, অত্তাৎ যিহূদীগুনোরে ভস্ত গুরি ফেলেই পারে।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইষ্টের 7:4

কিত্যে ভস্ত গুরিবার্, অত্তাৎ মারে ফেলেবার বা এক্কুবারে শেজ্‌ গুরিবাত্তে মরে আর মঅ জাদর্‌ মানুচ্চুনোরে বিজি দিয়্যে ওইয়্যে। যুনি আমার্‌ বানা চাগর্‌ আর চাগরানী অবাত্তে বিজি দিয়্যে অদঅ সালে মুই জুরো গুরি থেদুঙ্‌, কিত্যে সেবাবোত্যে দুঘো কধা মহারাজরে জানানা উজিত্‌ ন-অদঅ।”

ইষ্টের 7:5

সেক্কে রাজা অহশ্বেরশে রাণী ইষ্টেররে পুযোর্‌ গুরিলো, “কন্না সিবে? সেই মানুচ্চো কন্না? এধোক্কেন্‌ কাম্‌ গুরিবার কার্‌ সাহস ওইয়্যে?”

গীতসংহিতা 140:8

ও লগেপ্রভু, পাজিগুনোর্ মন আওজ্‌চানি তুই পূরোণ গুরি ন-দিচ্; তারা কুজুরোমিগানি ফোলেবাত্তে ন-দিচ্, যেনে তারা বাড়্‌বো গুরিয়্যে ন-অন্।

গীতসংহিতা 140:9

যিগুনে মরে ঘিরিনে ধোজ্যন্ তারার মুয়োনি যেদক্কানি অন্যেয় গোজ্যে সিয়েনি তারা মাঢা উগুরে পোড়োক্।

গীতসংহিতা 141:10

পাজিগুনে তারার নিজো জালত্ নিজে ধরা পোড়োদোক্, আর মুই সে অক্তত্ গমেডালে সিয়েন পার্ ওই যেম্।

গীতসংহিতা 7:16

তা অন্যেয়র্ ভারান্ তা নিজো মাঢাবোত্ ফিরি এজে; তে যে অত্যেচার্ গরে সিয়েন্ তা মাঢাবো উগুরে লামি এজে।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গীতসংহিতা 94:23

তারার অন্যেয়ানি তে তারার মাঢা উগুরে আনিবো, তারার পাজি কামানিত্যে তে তারারে শেজ্ গুরি দিবো; আমা গোজেন লগেপ্রভু সিয়েন গুরিবো।

গম্ উপদেজ্ 26:27

যে মানুচ্চো গাদ্ খুড়ে তে সিবে ভিদিরে পড়ে; যে মানুচ্চো পাত্তর্ গোজ্যেই দে তা উগুরে সিবে ফিরি এজে।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিশাইয় 22:25

যে খুদোবো দরমর জাগাত্ লাগেই দিয়্যে ওইয়্যে সেদিন্যে সিবে খুলি এবঅ; সিবে পড়ি যেবঅ আর তা উগুরে যে ভারান্ দুলি দুলি আঘে সিয়েন কাবি ফেলা অবঅ।’ ” ইয়েন অলঅ বেগত্তুন্ খেমতাবলা লগেপ্রভুর কধা। ইয়েনি ঘুদিবো, কিত্তে লগেপ্রভু নিজেই সিয়েনি কোইয়্যে।

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

মথি লেখ্যে গম্ হবর্ 21:44

যে এই পাত্তর্‌‍বো উগুরে পড়িবো তে ভাঙিনে কট্টা কট্টা ওই যেবঅ আর সেই পাত্তর্‌বো যিবে উগুরে পড়িবো তে ভস্ত ওই যেবঅ।”

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।