ইষ্টের 9:15 - Chakma Bible

¹⁵ শূশনর্ যিহূদীগুনে অদর মাজর্ চৌদ্দো দিনোত্‌ একসমারে এগত্তর্‌ ওইনে সিয়েনত্‌ তিনশঅ মান্‌জ্যরে মারে ফেলেলাক্‌, মাত্তর্‌ তারা লুদেয়্যে পযাপিরানিত্‌ আঢ্ ন-দিলাক্‌।

ইষ্টের 9:15 Iomraidhean Croise

ইষ্টের 8:11

রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

ইষ্টের 9:16

এ ভিদিরে রাজার দাঙর্‌ চাগালাগানিত্‌ বাদবাগি যিহূদীগুনেয়ো নিজো জিংকানিগানি রোক্ষ্যে গুরিবাত্তে আর তারার্‌ শত্রুগুনোর আঢত্তুন্‌ মাব্‌ পেবাত্তে একলগে এগত্তর্‌ অলাক্‌। তারা তারার্‌ পাচাত্তুর্‌ আজার্ শত্রুরে মারে ফেলেলাক্‌ মাত্তর্‌ কনঅ লুদেয়্যে পযাপিরাত্‌ আঢ্ ন-দিলাক্‌।

ইষ্টের 9:13

জোবত্‌ ইষ্টেরে কলঅ, “মহারাজর যুনি গম্‌ বিলিনে মনে অয় সালে এচ্চ্যে ধোক্ক্যেন্ এযেত্তে কেল্যেয়ো একই কাম্‌ গুরিবাত্তে শূশনর্ যিহূদীগুনোরে উগুম্‌ দিয়্যে ওক্‌; আর হামনর দোশ্‌চো পূঅরে ফাসি দিয়্যে ওক্‌।”

ইষ্টের 9:2

যিগুনে তারারে ভস্ত গুরিবাত্তে চেইয়োন্‌ তারারে আক্রমণ গুরিবাত্তে যিহূদীগুনে রাজা অহশ্বেরশর বেক্‌ জাগানিত্‌ তারার্‌ নিজো নিজো শঅরানিত্‌ এগত্তর্‌ অলাক্‌। তারার্‌ বিরুদ্ধে কনজনে ন-এলাক্‌, কিত্তেই অন্য জাদর্‌ মানুচ্চুনে তারারে দরা ধুরিলাক্‌।

ইষ্টের 9:12

রাজা সেক্কে রাণী ইষ্টেররে কলঅ, “শূশনর্ তাম্বুলোত্‌ যিহূদীগুনে পাচশঅ মানুচ্‌ আর হামনর দশজন পূঅরে মারে ফেলেয়োন। রাজার বাদবাগি চাগালানিত্‌ তারা কিজেনি কি গোজ্যন্‌। ইক্কিনে তঅ কোজোলিগান্‌ কি? সিয়েন্‌ তরে দিয়্যে অবঅ। তুই কি চাজ্‌? সিয়েন্‌অ গরা অবঅ।”

ইষ্টের 9:14

রাজা সিয়েন্‌ গুরিবাত্তে উগুম দিলো। শূশনত্‌ রাজার সেই উগুমান ফগদাঙ্‌ গরা অলঅ আর মানুচ্চুনে হামনর দোশ্‌চো পূঅরে ফাসি দিলাক্‌।